ТЖМ ауа райының суытуына байланысты маңызды мәлімдеме жасады

Қазгидрометтің мәліметінше, алдағы күндері ел аумағында температураның күрт төмендеуі күтілуде. Осыған байланысты Төтенше жағдайлар министрлігі маңызды мәлімдеме жасады, – деп хабарлайды Aikyn.kz. 

Қазақстан ТЖМ азаматтарды тұрғын үй-жайларды жылыту кезінде өрт қауіпсіздігі шараларын қатаң сақтауға шақырады:

пешті жылытудың, электр және газ жылытқыштарының жарамдылығын тексеру; тек жарамды құрылғыларды қолданыңыз; жабдықтың қызып кетуіне жол бермеу және қосылған аспаптарды қараусыз қалдырмау; жанғыш материалдарға дейінгі қауіпсіз қашықтықты сақтау; қолдан жасалған немесе ақаулы жылытқыштарды пайдаланудан бас тарту; мұржалардың жарамдылығын қамтамасыз ету және қажет болған жағдайда оларды тазалау.

ТЖМ жылыту аспаптарын дұрыс пайдалану өрттің алдын алудың және суық мезгілде азаматтардың қауіпсіздігін қамтамасыз етудің маңызды шарты екеніне назар аударады.