Үкімет Қазақстан экономикасы мәселелері бойынша ЖИ мен кеңесетін болады

Үкімет Қазақстан экономикасының дамуын болжау үшін жасанды интеллектіні пайдалануды жоспарлап отыр. Бұл туралы үкімет отырысында премьер-министр Олжас Бектенов айтты, деп хабарлайды Tengrinews.kz тілшісі.

Үкімет Қазақстан экономикасының дамуын болжау үшін жасанды интеллектіні пайдалануды жоспарлап отыр. Бұл туралы үкімет отырысында премьер-министр Олжас Бектенов айтты, деп хабарлайды Tengrinews.kz тілшісі.

Оның айтуынша, Мемлекет басшысы жасанды интеллектінің жекелеген салаларда қолданылып қана қоймай, экономиканың нақты драйверіне айналуы үшін үкіметтен жүйелі шешімдер күтеді.

"Жасанды интеллект жобаларының бірыңғай пулын қалыптастыру қажет. Бұл алдымыздағы мақсат-міндеттердің ауқымын айқындап, сапалы үйлестіруді қамтамасыз етеді және жобалардың қайталануын болдырмауға, ресурстарды тиімді жұмсауға ықпал етеді", - деді премьер-министр.

Олжас Бектенов қазіргі заманғы сын-қатерлер әлеуметтік-экономикалық дамуды жоспарлаудың неғұрлым дәл құралдарына көшуді талап ететінін атап өтті.

"Жасанды интеллект үлкен деректерді өңдеуге, заңдылықтарды анықтауға және барынша нақты болжамдар жасауға мүмкіндік береді. Яғни, мемлекеттік экономикалық саясаттың тиімділігін арттырады", - деді Бектенов.

Осыған байланысты премьер-министр ұлттық экономика министрлігіне жасанды интеллект министрлігімен бірлесіп, экономикалық үдерістердің дамуын болжау үшін жасанды интеллектіні қолданудың нақты тетігін енгізуді тапсырды.

2026 жылдың қаңтарында Президент Қасым-Жомарт Тоқаев 2026 жылды Цифрландыру және жасанды интеллект жылы деп жариялау туралы жарлыққа қол қойды. Құжат цифрландыруды одан әрі дамыту және ЖИ-ді жаппай енгізу үшін қабылданды.

ОБСУЖДАЕТСЯ СЕЙЧАС

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Сондай-ақ Қазақстанда "Жасанды интеллект туралы" заң күшіне енді. Құжат қауіпсіздік, жауапкершілік және азаматтардың құқықтарын қорғау мәселелерін қоса алғанда, ЖИ-ді пайдалануға қойылатын талаптарды енгізеді. Атап айтқанда, пайдаланушыларға тауарлардың, жұмыстардың немесе көрсетілетін қызметтердің ЖИ-ді қолдану арқылы жасалғаны туралы ақпарат берілуі тиіс. Синтетикалық контент міндетті түрде машинамен оқылатын нысанда таңбалануы тиіс және пайдаланушылар үшін түсінікті ескертумен сүйемелденуі керек.