Үкімет жаңа жекеменшік мектептерге мемлекеттік тапсырыс орналастыруды уақытша тоқтатты

Үкімет отырысында Премьер-министр Олжас Бектенов білім беру саласын мемлекеттік қаржыландыру тетігін қайта қарау жөнінде тапсырма берді. Бұл бастама Ұлттық құрылтайда Президент қойған міндеттерді жүзеге асыруға бағытталған.

Премьер-министр жаңа ашылатын жекеменшік мектептерде мемлекеттік тапсырысты орналастыруға мораторий енгізуді тапсырды. 

Мемлекеттік қаржы тек өңірлердегі оқушы орындарына деген шұғыл қажеттілікті жабатын мектептерге ғана бөлінбек.

Қымбат элиталық мектептерді бюджет есебінен қаржыландыру тоқтатылады. 

Оқу-ағарту министрлігі бір ай ішінде жекеменшік оқу орындарының жаңа стандарттарға сәйкестігін тексеріп, нәтижесін Үкіметке енгізуі тиіс.

Олжас Бектенов білім беру жүйесін реформалауда басты мақсат – қаржыландырудың әділ әрі тиімді тетігін қалыптастыру екенін атап өтті.

Бүгін, 14:05