Ұлттық банк теңге бағамына қатысты мәлімдеме жасады

Ұлттық банк валюта нарығындағы жағдайды мәлімдеді, - деп хабарлайды Tengrinews.kz тілшісі.

Ұлттық банк валюта нарығындағы жағдайды мәлімдеді, - деп хабарлайды Tengrinews.kz тілшісі.

Қазанның қорытындысы бойынша теңге бағамы 1 АҚШ доллары үшін 529,96 теңгеге дейін, яғни 3,5%-ға нығайды. Қазақстан қор биржасындағы сауда-саттықтың орташа күндік көлемі бір айда 248 млн АҚШ долларынан 271 млн АҚШ долларына дейін ұлғайды. Сауда-саттықтың жалпы көлемі - 6 млрд АҚШ доллары.

Қазанда Ұлттық қордан 660 млн АҚШ долларына валюта сатылды. Бұл республикалық бюджетке трансферт бөлуге, "Талдықорған-Үшарал" газ құбырын салу бойынша жобаны қаржыландыруға мүмкіндік берген. Ұлттық қордан сату үлесі жалпы сауда-саттық көлемінің 11%-ы немесе күніне шамамен 30 млн АҚШ доллары болған.

Ұлттық банк қазанда валюта интервенциясын жүргізген жоқ.

Ұлттық банк БЖЗҚ валюта активтерінің үлесі жоспарға сәйкес шамамен 40% екенін ескеріп, қазанда зейнетақы активтерінің инвестициялық портфеліне АҚШ долларын сатып алмаған. Ұлттық банк мәліметінше, қарашада да валюта сатып алу жоспарланбайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!