Үндістан мен Пәкістан шекарасында екі сағаттық атыс болды БАҚ

Үндістан әскерилері Пәкістанмен арадағы демаркациялық желіде оқ атты, деп хабарлайды Tengrinews.kz тілшісі РИА Новости-ге сілтеме жасап.

Ақпаратқа сәйкес, бұл туралы NDTV телеарнасы хабарлады. Материалда жағдайдан хабардар дереккөздердің мәліметтері келтірілген.

"Мәліметтерге сүйенсек, Жамму және Кашмир аймағындағы Раджаури секторында бақылау желісінің бойындағы ауыр атыс шамамен екі сағатқа созылды", — делінген хабарламада.

Телеарна дереккөздерінің айтуынша, Үндістан әскерилері "терроршылардың" шекарадан өту әрекетіне тосқауыл қойған.

БАҚ мәліметінше, бұл 2025 жылғы мамырда Үндістанның "Синдур" операциясы аяқталғаннан кейін оқ атуды тоқтату режимі бұзылған алғашқы ірі оқиға болды.

Соған қарамастан, NDTV содан бері шекарада жекелеген атыс жағдайлары болғанын атап өтті.

Үндістан мен Пәкістан арасындағы қарым-қатынас шиеленіскен күйінде қалып отыр. Олар кезекті рет ушығып кетті, бұған 2025 жылғы сәуірде Үндістанның Жамму және Кашмир аймағындағы Пахалгам қаласының маңында болған террорлық акт себеп болды. Үндістан Пахалгамдағы террорлық актіге жауап ретінде "Синдур" операциясын жүргізіп, Пәкістан аумағындағы "террорлық инфрақұрылымға" соққы берді.

Қазақстан СІМ қақтығысып жатқан Үндістан мен Пәкістанға үндеу тастады

10 мамырда АҚШ президенті Дональд Трамп Үндістан мен Пәкістанның оқ атуды "толық және дереу" тоқтату туралы келіскенін мәлімдегендеймәлімдедіоқиғаның. Осыдан кейін Үндістан мен Пәкістанның ресми тұлғалары оқ атуды толық және дереу тоқтатуға келісім берді. 2026 жылғы мамырда Үндістан Құрлық әскерлерінің штаб бастығы Упендра Двиведи қажет болған жағдайда Үндістан армиясы "Синдур 2.0" операциясын өткізуге дайындалып жатқанын хабарлады.

Google News арқылы жаңалықтарымызды қадағалаңыз