Ауғанстан мен Пәкістан шекарасында қақтығыс болып жатыр

Кабулда орналасқан Tolo News кабельдік телекомпаниясы американдық X компаниясының әлеуметтік медиа платформасында жариялаған ақпаратқа сәйкес, Пәкістанмен шекараға жақын орналасқан Пактия провинциясының бірнеше ауданында екі елдің шекара күштері арасында қақтығыстар болды.

Қауіпсіздік күштері көздері Ауғанстан екі елдің шекарасы саналатын Дюранд сызығы маңындағы Пәкістан базаларын нысанаға алған хабарлады. Бұл шабуылдар Пәкістанның әуе операцияларына жауап ретінде жасалғанын айтты.

Бұл базалардың кейбірі басып алынды, қақтығыста 12 пәкістандық әскери қаза тапты.

Аймақ тұрғындары Данд-е-Патан ауданындағы қақтығыст салдарынан бейбіт тұрғындардың үйлерін тастап кетуге мәжбүр болғанын хабарлады.

Исламабадта шығатын Dawn газетінің хабарлауынша, Пәкістан армиясы шабуылдарға тез және батыл жауап беріп, Ауғанстан содырларының көптеген базалары мен позицияларына қатты зақым келтірген.

Билік Пәкістан армиясының артиллериямен, танктермен, жеңіл және ауыр қарулармен жауап бергенін, сонымен қатар ұшқышсыз ұшатын аппараттарды қолданғанын атап өтті.

Ауғанстан мен Пәкістан арасындағы шиеленіс

9 қазанда Ауғанстан астанасы Кабулда жарылыстардың дауысы естілді.

Пәкістандық әскери ұшақтар Ауғанстанның Пактия провинциясының Марга ауданында әуе шабуылын жасады деген болжам бар. Артынша Ауғанстан үкіметі Марга мен ел астанасы Кабулдағы жарылыстар үшін Пәкістанды айыптады. Алайда Пәкістан әуе шабуылына қатысты мәлімдеме жасаған жоқ.