Уругвай Латын Америкасында эвтаназияны заңдастырған бірінші ел болды

Бастаманы 31 сенатордың 20-сы қолдап дауыс берді, төменгі палата құжатты тамыз айында мақұлдады.

Заң медицина қызметкерлеріне «төзуге болмайтын азап» тудыратын жазылмайтын дертке шалдыққан науқастардың өтініші бойынша эвтаназия жасауға рұқсат береді. Бұл ретте науқас әрекет қабілеті бар және өз шешімін белгіленген тәртіпте растауы тиіс. 

Еуропа мен АҚШ-тағы ұқсас нормалардың айырмашылығы, Уругвай заңы пациенттің «өмір сүру ұзақтығын» шектемейді және сұрау мен процедура арасындағы күту кезеңін талап етпейді. Сонымен бірге кәмелетке толмағандардың мұндай әрекеттерге қатысуына тыйым салынады. 
Заң қабылданбас бұрын 5 жылдан астам уақытқа созылған ұзақ талқылау болған, сондай-ақ оған Католик шіркеуі қарсылық танытқан.

Ел вице-президенті Каролина Коссе заңның қабылдануын тарихи қадам деп атап, оның бұған дейін бір жыныстылар некесін, түсік жасатуды және марихуана қолдануды заңдастырған Уругвайдың аймақтағы ең прогрессивті елдердің бірі ретіндегі беделін нығайта түсетінін атап өтті.

Еске сала кетсек, мамыр айында француз депутаттары эвтаназия туралы заң жобасын мақұлдады.