Үш айда 14 мыңнан астам қазақстандық есімін, тегін немесе әкесінің атын ауыстырған

«Азаматтарға арналған үкімет» мәліметінше, 2025 жылдың үшінші тоқсанында бұл қызмет ең сұранысқа ие бағыттардың бірі болып қалды, деп хабарлайды Arasha.kz.

Ең көп өтініш ірі қалалардан түскен. Алғашқы орында – Алматы: 2 981 адам. Екінші орында – Астана: 2 459 өтініш. Өңірлерде де белсенділік жоғары: Қарағанды облысы – 849, Ақтөбе облысы – 741, Шығыс Қазақстан облысы – 673 адам.

Азаматтар есімін не тегін көбіне дыбысталуы, ұлттық үлгісі, отбасылық себептер немесе 18 жасқа толғаннан кейін өзгертіп жатады.