Волонтерлердің қоғамға пайдасы мол

Волонтерлердің қоғамға беретін пайдасы көп.

Олар еріктілер қозғалысы арқылы елді жақсы жаққа өзгертуді көздейді. Жастар ел азаматтарының бұл қызметке деген пікірі өзгеріп, волонтерлер саны көбейеді деп сенеді.

- Осыған дейін 4-5 рет еріктілікпен айналыстым. Менің хоббиім десем болады және ол өте маңызды. Жалпы жастарға маңызды. Қоғамға өзіңнің пайдаңды тигізуге. Және өзіңнің коммуникативті дағдыларыңды дамытуға көп пайдасын тигізеді деп ойлаймын.

- Волонтерлік жұмыстар өте дұрыс деп санаймын. Себебі жастарды біріншіден отансүйгіштікке, еңбекқорлыққа тәрбиелейді. Және қоғамға да өте пайдалы. Әсіресе ойлаймын, негізінен жастар өздігінен волонтерлік ұйымдар ашып, ауылдық жерде болсын үлкен кісілерге көмектескені нұр үстіне нұр.

- Қазақстанда таза, мәдениетті, тәрбиелі орта қалыптастыру өте маңызды деп ойлаймын. Осы волонтерлік жобаның мүшесі болу арқылы немесе көмектесу арқылы қоғамды бірте-бірте өзгертуге болады деп ойлаймын.

- Менің ойымша, волонтерлердің қазіргі таңда қоғамға беретін пайдасы көп. Өйткені олар адамдарға көмектеседі. Біз көбіне қар күреуге және сенбіліктерге шығып жатамыз. Олардың барлығы біздің экологияға да, адамдарға да, ұйымдарға да өте көп әсерін тигізеді.