Заң мен тәртіп : Шымқала кештері қоғамдық қауіпсіздік талаптарын сақтау құндылықтарын насихаттады

Кешкі концерттік бағдарламалар қаладағы Арбат алаңында, «Шымсити» саябағында және «Шымқала» тарихи-мәдени кешенінің аумағындағы «Этноауылда» ұйымдастырылды.

Іс-шара Мемлекеттік Әнұранмен басталып, одан әрі «Шымкент концерт» концерттік ұйымының өнерпаздары орындаған рухты және отансүйгіштік әндермен жалғасты.

Мектеп оқушыларына заң мен тәртіп қағидаты айтылды

Кеш барысында Қуаныш Абжапбар, Фариза Беймаханбет, Байкен Құрманалиев, Саят Сұлтанбек және «Өркен» тобы өнер көрсетіп, көрермендерге көтеріңкі көңіл-күй сыйлады.

«Шымқала кештері» – тұрғындарға мазмұнды демалыс сыйлап қана қоймай, қаладағы мәдени және қоғамдық өмірдің белсенділігін арттыруға бағытталған тұрақты жобалардың бірі.

Ән мен өнер арқылы тұрғындарды біріктірген кеш қала тұрғындары мен қонақтарының көңілінен шығып, Шымкенттің мәдени өміріндегі дәстүрлі әрі көпшілік асыға күтетін шаралардың біріне айналып келеді.

Заң мен тәртіп – мемлекеттік саясаттың басты қағидаты