Жампоз жаттықтырушы жаңа қызметте

Бокстан ұлттық құраманың бас бапкері Қайрат Сәтжановтың аяқ асты қызметінен кетуі біраз дау туғызды. Бокс федерациясының (ҚБФ) өкілдері ол денсаулығына байланыс­ты өз орнын босатты десе, майталман маманның отбасы мүшелері жоғарыдағы әңгімені жоққа шығарды.

Қайрат Тұрсынқанұлы еңбек жолын Абай облы­сының Аякөз қаласында қарапайым бапкерліктен бастады. Сол жақта жүріп, дарынды жастарға жұды­рықтасу өнерінің қыр-сырын үйретті. Кейіннен облыстың аға жаттықтырушысы болды. Сол кезде Семей өңірінен көптеген жақсы боксшылар шықты. Оның еңбекқорлығы мен жұмыс істеу стилі ҚФБ басшыларының көңілінен шықса керек, көп ұзамай Қ.Сәтжанов еліміздің жас­өспірімдер, одан кейін жас­тар құрамасын баптады. Бұл ретте де несібесіз болған жоқ. Қайраттың командасы әлем, Азия біріншіліктерінде үнемі алдыңғы лектен кө­рінді.

2021 жылы Токио Олим­пиадасында еліміз­дің құрамасы сәтсіз өнер көр­сеткеннен кейін респуб­ликамыздың бас ко­ман­дасының тізгінін Сәт­жанов ұстады. Сол кезде жерлестеріміз Белградта өткен әлем чемпионатында 5 алтын, 1 күміс, 3 қола алып, жалпы командалық есепте екінші орынды еншіледі. Келесі жылы Аммандағы Азия біріншілігінде 3 алтын, 6 күміс, 3 қола медальді иеленіп, тағы да екінші сатыға тұрақтады. Бірақ Қайратқа боксшыларды Париж Олимпиадасына апару бақыты бұйырмады. «Денсаулығы сыр берді» деген желеумен орнынан алып тастады.

2024 жылы Францияның бас шаһарында жуан жұдырықты жігіттеріміз ел сенімін ақтай алмады. Нұрбек Оралбайдан басқа боксшыларымыз тегіс ұтыл­ды. Дәл сол кезде қа­зақ боксын тығырықтан шығару мақсатында Қайрат Тұрсынқанұлын қайта қызметке шақырды. Таңдаған кәсібіне жан-тәнімен берілген маман өзіне жүктелген міндетті абыройлы атқарды. Нәтижесінде, еліміздің құрамасы әлем, құрлық чемпионаттарында зор табысқа қол жеткізіп, қайта жер-жаһандағы ең мықты командалардың қатарына қосылды. Қ.Сәтжанов бас бап­кер болған жылдары елімізден 7 әлем, 43 Азия чем­пионы шықты.

Спорт саласының тізгінін ұстап отырған басшылардың кейбір тірліктерін түсінбей қалатынымыз бар. Жанын салып жемісті еңбек етіп жүрген мамандарды кез келген уақытта еш себеп-салдарсыз орындарынан алып тастайды. ҚФБ таратқан мәліметке жүгінсек, Қ.Сәтжановтың денсаулығы күрт нашарлаған. Спорт тақырыбына қалам тартып жүрген БАҚ өкілдерін айтпағанда, қарапайым жанкүйерлер де олардың бұл уәжіне сенбеді. Газет-журналдар, әлеуметтік желі арқылы ҚФБ басшыларына өкпе-реніштерін білдірді. Оның ақыры дау-дамайға ұласа жаздады. Әйтеуір, бәрі оң шешіліп, күні кеше Қ.Сәтжановтың жаңа қызметтің тізгінін ұстағаны белгілі болды. Қайрат Тұрсынқанұлы бокс федерациясының вице-президенттігіне тағайындалды. Сонымен қоса сол ұйымның басшысы Шахмұрат Мұтәліп бастаған азаматтар майталман маманға үш бөлмелі пәтер мен Тойота Ленд Крузер көлігін сыйға тартты.

Соңғы жаңалықтар

Астанадағы бұқаралық шаңғы жарысына қалай қатысуға болады?

Елорда • Бүгін, 10:44

Түндегі тілсіз жау: СҚО-дағы бір ауданда екі адам өрттен қаза тапты

Төтенше жағдай • Бүгін, 10:42

Кофе неге қымбаттап барады?

Баға • Бүгін, 10:35

Теміртаудың тең жартысы жылусыз қалды

Аймақтар • Бүгін, 10:23

Жапониядағы кезектен тыс сайлау: Премьер-министр парламентті тарату туралы шешім қабылдады

Саясат • Бүгін, 10:17

Полиция дерегі: Алаяқтардың арбауына көбінде кімдер ілінеді?

Аймақтар • Бүгін, 10:04

Әлімханұлына қатысты допинг дауы: Қайта тыңдау тағайындалды

Кәсіпқой бокс • Бүгін, 10:00

Хромтауда газ жарылды: 5 адамды күйік шалды, бір адам жансақтау бөлімінде жатыр

Төтенше жағдай • Бүгін, 09:50

Болгария президенті қызметінен кететінін мәлімдеді

Саясат • Бүгін, 09:43

Жаңа салық режимі: Кәсіпкерлер нені ескеруі тиіс?

Бизнес • Бүгін, 09:34

«Манчестер Ситиде» ұзақ жылдар бойы топ деңгейдегі қорғаушы болады: Гвардиола өзбек футболшысы туралы

Футбол • Бүгін, 09:24

Термо шам

Ғалам ғажаптары • Бүгін, 09:18

Қар жауып, бұрқасын соғады: 20 қаңтарға арналған ауа райы болжамы

Ауа райы • Бүгін, 09:17

Face ID қалай пайда болды?

Ғалам ғажаптары • Бүгін, 09:15

Жарыс күнделігі

Спорт • Бүгін, 09:12

Барлық жаңалықтар