Жаңа әкім жұмыс сапарын Ұлытау ауданынан бастады

Өңір басшысы алдымен Күмісбұлақ аумағында жүзеге асырылатын абаттандыру жобасының жоспарымен танысты. Жобаны іске асыру жұмыстары осы жылдың тамыз айында басталады деп жоспарланып отыр.

Одан кейін облыс әкімі Ұлытау ауданы орталығындағы Тайжан көшесі, 33А мекенжа­йын­да салынып жатқан бес блокты тип­тік үлгідегі аурухананың құ­ры­лысымен танысты. 100 келу­шіні қабылдайтын емхана мен 20 төсектік орын стационары бар бұл нысанның құрылыс жұмысы толық аяқталмаған.

Мердігер ұйым – «Нұр Астана Құрылыс» ЖШС, техникалық қадағалаушы – «Нұрай-Сервис» ЖШС. Жобаның шарттық құны – 3 552,9 млн теңге. Соның 1 483,9 млн теңгесі игерілген. Медициналық кешенге 2023-2024 жылдары Ұлттық қор мен республикалық бюджеттен 1 239 млн теңге бөлініп, игерілді. 2025 жылға Ұлттық қор есебінен 251,6 млн теңге қарастырылған.

Есет Байкен Ұлытау облысының әкімі болып тағайындалды

№3 блокта котлован қазу кезін­де жерасты суының шығуына байланысты жобаға түзету енгізілді. Сараптама қорытындысы өткен жылдың желтоқсан айының соңын­да алынған. Облыстық ко­мис­сияның ақпан айындағы оты­ры­сында бюджетті нақтылау ба­ры­сында жобалық-сметалық құ­жаттамаға түзетулер енгізіліп, қосым­ша 476,1 млн теңге бөлінген. Құры­лысты аяқтауға қажетті жалпы қаржы 1 539,3 млн теңгені құрайды.

Аурухана құрылысында атқарылып жатқан жұмыспен танысқан өңір басшысы нысанды биыл пайдалануға беруді және құрылыс жұмыстарын сапалы әрі белгіленген мерзімде аяқтауды тапсырды.

Сонымен қатар осы Ұлытау ауданының орталығында өткен жылдың мамыр айында жабық бассейннің құрылысы басталған. Қазіргі уақытта мердігер «СК New Сity» ЖШС жабық жүзу бассейнінің құрылысын жүргізіп жатыр. Жобаның сметалық құны – 1 156,5 млн теңге. 2025 жылы «Ауыл – ел бесігі» бағдарлама­сы ая­сында республикалық бюд­жеттен 835,996 млн теңге қаржы бөлін­ген. 2024 жылы аудан­дық бюджеттен бөлінген 53,4 млн тең­ге толық игерілген. Биыл жергілікті бюджеттен құрылысты аяқтауға 300 млн теңге қарастырылып отыр.

Ұлытау облысында 31 жер учаскесі мемлекет меншігіне қайтарылды

Осыған дейін екі мыңнан астам тұрғыны бар елді мекенде жүзу кешені болмаған. Аумағы 1000 шаршы метр болатын ғимаратта біріншісі 14 жасқа дейінгі, екіншісі 14 жастан жоғары балаларға ар­налған екі бассейн салу жоспарланған. Мердігер құрылысты өт­кен жылдың соңына дейін бітіруі керек еді. Өкінішке орай құрылыс жұмысы созылып кетті.

Әзірге іргетас құйылып, ғи­мараттың металл қаңқасы орна­тылып, сэндвич панельдер­мен сыртқы қабырғалары қапталды. Терезе мен есік блоктары орна­тыл­ған. Сыртқы инженерлік желі­лер – электр, су құбыры жүйе­лері тартылды. Ал ішкі әрлеу, қабыр­ғаларды қалау, шатыр жабу, вит­раж орнату және блокты-модуль­ді қазандықты монтаждау жұмыс­тары әлі аяқтала қоймады.

Ұлытау облысының қымыз өндірушілері олжалы оралды

Салынып жатқан балалар мен жасөспірімдерге арналған бассейннің құрылысын аралаған облыс әкімі нысанды жыл соңына дейін тапсыруды міндеттеді.

Жұмыс сапары барысында облыс әкімі Рәміздер алаңы мен Сапар орталығының жұмысымен танысты. Тасбұлақ басында ауданның ақсақалдарымен кездесіп, өңірдің бүгінгі тыныс-тіршілігі, алдағы даму бағыттары мен өзекті мәселелері жөнінде пікір алмасты.

Ұлытау облысы