Жаңа әскерге шақыру пункті ашылды

Әскерге шақырылатын азаматтар үшін Алматыда жаңа қалалық пункт ашылды. Cалтанатты ашылу рәсіміне Қорғаныс министрлігінің, әкімдіктің өкілдері, Қарулы күштердің ардагерлері мен жергілікті әскери басқару органдарының қызметкерлері қатысты.

Жинау пункті сапалы әрі ашық жұмыс істеу үшін барлық қажетті құрал-жабдықтармен қамтамасыз етілген. Мұнда медициналық тексеру кабинеттері, психологиялық іріктеу бөлмелері, күту және ақпараттандыру аймақтары, акт залы, спорт залы мен асхана да бар. Әскерге шақыру орнының ашылуы азаматтардың құқықтарын сақтауды қамтамасыз етуге, сондай-ақ әскери бөлімдерге жіберу процесін бақылауды күшейтуге мүмкіндік береді.