Жаңа еңбек министрі тағайындалды

АСТАНА, 27 қаңтар – Sputnik. Қасым-Жомарт Тоқаев еңбек және халықты әлеуметтік қорғау министрлігінің жаңа басшысын тағайындады, деп хабарлады Ақорда.

"Мемлекет басшысының жарлығымен Асқарбек Ертаев Қазақстан Республикасының еңбек және халықты әлеуметтік қорғау министрі болып тағайындалды", - деп жазылған хабарламада.

Бұған дейін мемлекет басшысы Светлана Жақыпованы еңбек және халықты әлеуметтік қорғау министрі лауазымынан босатты. Светлана Жақыпова бұл қызметті 2023 жылдың 2 қыркүйегінен бастап атқарды.

Асқарбек Ертаев кім

1977 жылы Ақтөбе қаласында туған. Қ.Жұбанов атындағы Ақтөбе мемлекеттік университетін, "Нұр" Ақтөбе мененджмент, бизнес және құқық институтын бітірген.

Еңбек жолын 1997 жылы Ақтөбе облысы Мұғалжар ауданы әкімінің аппаратында маман болып бастаған.

2000-2014 жылдары банк секторында жұмыс істеді.

2014 — ҚР Экономика және бюджеттік жоспарлау министрлігі Сауда комитеті бас сарапшысының м.а.

2014-2021 — ҚР Ұлттық экономика министрлігінің бас сарапшысы, басқарма басшысы, департамент директорының орынбасары, департамент директоры.

2021-2022 — ҚР Президенті Әкімшілігі Қауіпсіздік Кеңесінің Талдау бөлімінде сектор меңгерушісі.

2022-2023 — ҚР Премьер-Министрі Кеңсесінің, ҚР Үкіметі Аппаратының экономикалық бөлімінің меңгерушісі.

2023-2024 — ҚР Еңбек және халықты әлеуметтік қорғау министрлігі Көші-қон комитетінің төрағасы.

2024-2025 — Қазақстан Республикасы Еңбек және халықты әлеуметтік қорғау вице-министрі.

2025 жылғы 9 маусымнан бастап Қазақстан Республикасы Еңбек және халықты әлеуметтік қорғау бірінші вице-министрі.