Жаңа iPhone 17: жалған көшірмеге алданбаудың жолы қандай?

Смартфондар бүгінгі таңда тек байланыс құралы ғана емес, жұмыс, оқу және әртүрлі сервистерге кірудің негізгі құралы. Дегенмен, мобильді құрылғының дұрыс әрі қауіпсіз жұмыс істеуі үшін оны Қазақстанға заңды түрде әкелу аса маңызды, деп хабарлайды Egemen.kz.

Фото: rozetked.me

Қазақстанда 24 наурыздан бастап абоненттік құрылғыларды тіркеу ережесіне өзгерістер енгізілді. Енді смартфон немесе планшет Қазақстандағы ұялы байланыс операторларының желісінде жұмыс істеуі үшін оның IMEI-коды мемлекеттік деректер базасында тіркелуі қажет.

Верификация дегеніміз не?

Верификация — құрылғының Қазақстанға ресми түрде жеткізілгенін растайтын рәсім. Импортерлер барлық IMEI-кодтарды мемлекеттік базада тіркейді. Ал заңсыз әкелінген құрылғылар верификациядан өте алмайды және ұялы байланыс желісінде жұмыс істей алмай, бұғатталады.

Ресми импорт смартфонның сертификатталғанын, техникалық талаптарға сәйкес екенін және кепілдік қызметімен қамтамасыз етілгенін білдіреді. Сондай-ақ, IMEI-код ұрланған немесе жоғалған телефондарды операторларға блоктауға мүмкіндік береді.

Kaspi.kz сервистері арқылы IMEI тексеру

Kaspi.kz платформасы сатып алушылар мен сатушыларға смартфонды тексеруге арналған сервисті іске қосты. Қызмет қарапайым: сатып алған кезде немесе кейін құрылғының IMEI-кодын енгізу арқылы оның мемлекеттік базада тіркелгенін тексеруге болады. Құрылғы ресми түрде елге әкелінген болса, ол барлық операторлар желісінде толық жұмыс істейді.

IMEI-кодты білу үшін смартфонда *#06# теруге немесе оны құрылғының қорабынан, сондай-ақ параметрлерінен қарауға болады. iOS құрылғыларында бұл «Параметрлер — Негізгі — Бұл құрылғы туралы — IMEI», ал, Android-те «Параметрлер — Құрылғы туралы — Толық ақпарат — IMEI» бөлімдерінде көрсетіледі.

Сатып алған смартфон верификациядан өтпесе, Kaspi Магазин арқылы оны қайтаруға болады: «Менің тапсырыстарым» бөлімінен тапсырысты таңдап, «Кері қайтары» батырмасын басып, нұсқауларға сәйкес өтініш беру жеткілікті.

Верификацияның жаңа iPhone 17 үшін маңызы

Әсіресе жаңа iPhone 17, iPhone 17 Pro, iPhone 17 Pro Max немесе iPhone Air құрылғыларын сатып алғанда, бұл процесс өте маңызды. Өйткені ресми әкелінбеген құрылғыларда кепілдік болмайды, желілер мен сервис функциялары толық қолжетімсіз болуы мүмкін. Ресми верификацияланған құрылғы барлық жаңартулар мен жаңа мүмкіндіктерді толық қамтамасыз етеді.

Kaspi.kz сервистері енді пайдаланушыларға IMEI-кодын тексеріп, легалды құрылғы алғанына сенімді болуға мүмкіндік береді. Бұл сатып алушыны жалған, ресми емес немесе контрабандалық смартфоннан қорғап қана қоймай, нарықтың ашықтығын арттырады.