Жаңа Конституцияда қоршаған ортаны қорғау негізгі қағидаттарының бірі ретінде айқындалды Тоқаев

– Жаңа Конституциямызда қоршаған ортаны қорғау мемлекеттік саясат пен азаматтық жауапкершіліктің негізгі қағидаттарының бірі ретінде айқындалды, яғни, біз үшін экологиялық қауіпсіздік пен өсіп-өркендеу жай ғана мәселе емес. Ол ұлттық сана-сезімнің ажырамас бөлігі және ұзақмерзімді даму стратегиясының арқауы ретінде қарастырылады. Қазақстан экологиялық таза энергия өндірісіне көшу, биоалуантүрлілікті қорғау, тозған жерлерді қалпына келтіру, су ресурстарын басқару жүйелерін жетілдіру, су үнемдеу саясатын енгізу, қоршаған ортаны қорғау саласындағы өңірлік ынтымақтастықты нығайту бағыттарындағы шараларды қолға алды. Әлбетте, ешбір ел жалғыз жортып, табысқа жете алмайды, - деді Қасым-Жомарт Тоқаев.

Сондықтан Президент аймақтық және жаһандық деңгейде күш жұмылдыруға баса мән беретінімізді атап өтті.

– Біз аталған міндетті нақты іс, жаңа технологияларды игеру және тұрақты дамуға ұзақмерзімді инвестиция салу арқылы орындаймыз, - деді Мемлекет басшысы. 

Бұдан бұрын хабарланғандай, бүгін елордада Мемлекет басшысы Қасым-Жомарт Тоқаевтың қатысуымен «Орнықты болашаққа ортақ көзқарас» тақырыбымен Өңірлік экологиялық саммит (ӨЭС) жұмысын бастады.