Жаңбырдан кейін тұман келеді: синоптиктер Астана мен Алматыға арналған болжамды жаңартты

Алматыда алдымен жаңбыр жауып, кейін тұман түседі. Астанада жауын-шашын күтіледі, есесіне күндізгі температура +11 градусқа дейін көтеріледі. Қазгидромет синоптиктері алдағы күндері екі мегаполис тұрғындарын не күтетінін айтты, деп хабарлайды Tengrinews.kz.

Астанада күн +11 градусқа дейін жылынады

Елордада 4 және 5 қарашада жауын-шашын күтілмейді. Бұл күндері ауа райы бұлтты болады. Сәрсенбіде түнде температура -2…-4 градус, күндіз +5…+7 градус болады. Бейсенбіде түнде суытып, -3…-5 градусқа дейін төмендейді, алайда күндіз ауа +7…+9 градусқа дейін жылынады.

Жұма күні, 6 қарашада күннің екінші жартысында өткінші жаңбыр жаууы мүмкін. Түнде температура 0…+2 градус төңірегінде болса, күндіз +9…+11 градусқа дейін көтеріледі. Желдің жылдамдығы секундына 9–14 метрді құрайды.

Сәрсенбі, 4 қарашада Алматыда күн райы бұлтты болады, жауын-шашын күтілмейді. Күндіз температура +16…+18 градусқа дейін көтеріледі, түнде +4…+6 градус болады.

5 қараша ауа райы өзгереді: күндіз жаңбыр жауады. Термометр бағаналары күндіз +12…+14 градусты, түнде +3…+5 градусты көрсетеді. Желдің екпіні секундына 13 метрге дейін күшейеді.

Жұма күні, 6 қарашада жауын-шашын тоқтайды. Түнде тұман түсіп, температура +1…+3 градусқа дейін төмендейді. Күндіз ауа +14…+16 градусқа дейін жылынады.

Бұған дейін синоптиктер алдағы күндері Қазақстанда ауа райының құбылмалы болатынын айтқан еді: еліміздің басым бөлігінде құрғақ ауа райы сақталса, батыста жаңбыр жауып, кей жерлерде нөсерлетуі мүмкін, ал шығыста қар жауып, көктайғақ болуы ықтимал. Толық болжам осы жерден оқыңыз.

Бізді Google-дың негізгі дереккөздер тізіміне қосыңыз