Жақсылыққа жаны құмар жан

Патриотизм жүректе, ол әр ісіміз бен сөзімізден аңғарылады.

Тіпті Отанды сүю - қарапайым істердің өзінен басталады. Астаналық дәрігер Латиф Парпиевтің өмірлік ұстанымы осындай. Ақ халатты абзал жан көп жылдар бойы балаларды оңалтумен айналысып келеді. Осылайша сәбилердің денсаулығын түзеп, ұрпақ саулығын арттыруға үлесін қосдуа.

Латиф Парпиев оңалту дәрігері. Ақ халатты бүгінде бар білген-түйгенін өзінің YouTube арнасында бөлісіп жүр. Платформаны тегін толыққанды білім беру аймағына айналдырған. Бірқатар бейнесабақтар жазып та үлгерді. Сол арқылы балалардың даму ерекшеліктері, күрделі диагноздарға көмектесу әдістерін егжей-тегжейлі талдайды. Қабылдауға келіп, кеңес ала алмайтын жандар үшін бұл таптырмас көмек.

Жақсыгүл Жұматаева, қала тұрғыны:

- Мен балам ауырып қалғаннан кейін интернеттен іздей бастадым. Ютуб арнасынан Латив Парпиевтің именно менің балам сияқтыларда нәтижесі болып жатқанын көрдім. Мен өзім үйде отырып, жаттығуларды жасай бастадым. Сосын қозғалыссыз жатқан баланың нәтижесін көре бастадым.

Ақ халатты дертіне шипа іздегендерден көмегін аямайды. Тегін кеңес беруге де уақыт табады. Онлайн және жеке қабылдауды жүргізеді. Дәрігер донорлыққа да ерекше назар аударады. Жақында ғана телефонына қуанышты жаңалық келген еді. Оның кезекті әрекеті өзгенің өмір сақтап қалуға ықпал еткен.

Латиф Парпиев, дәрігер-реабилитолог, ерікті:

- 10 жыл ішінде мен әр 2-3 ай сайын белсенді түрде қан тапсырып отырамын.  Осы уақыт аралығында 9 литрден астам қан тапсырды деп айтуға болады. Мен бұл үрдісті жалғастыра беремін. Өйткені сіздің бір бөлігіңіз біреудің өмірін сақтап қалса, бұл өте қымбат әрі сауапты іс.

Латиф Парпиевтің оқиғасы шынайы патриотизмнің бір көрінісі. Елге деген сүйіспеншілік пен қоғам алдындағы борыш сезімі тоғысқан тұтас мәдениетті айқындайды. Қазір қоғамда мұндай мысал көп. Қарапайым еңбек адамының адалдығы, мұғалімнің шәкіртке деген мейірімі, дәрігердің адам өмірін сақтап қалуға тырысуы – мұның бәрі патриотизм ұғымына сыйып тұр.

Кәмшат Мұхамежджан