Жерге комета жақындап келеді

21 қазанда комета Жерге барынша жақындайды, деп хабарлайды Tengri Life РҒА Ғарыш зерттеулері институтының Күн астрономиясы зертханасына сілтеме жасап.

Ғалымдардың айтуынша, аспан денесі біздің ғаламшардан шамамен 89 миллион шақырым қашықтықта өтеді. Бұл ғарыш ауқымында аз қашықтық болғанымен, адамзатқа еш қауіп төндірмейді.

Комета жалаң көзге көрінбейді. Оны тек жақсы жарық қабылдайтын камералармен немесе қарапайым үй телескоптарымен байқауға болады. Мамандар құрылғыны штативке мықтап бекіту қажеттігін атап өтті.

Егер ауа райы ашық болып, бақылаушы қала жарығынан алыс жерде болса, кометаны көруге мүмкіндік бар. Негізгі бағыт ретінде Арктур жұлдызы ұсынылады.

Дегенмен тәжірибесіз адамдарға аспандағы нысанды табу қиын болуы мүмкін. Сол себепті астрономдар Stellarium немесе Star Walk 2 сияқты арнайы қосымшаларды пайдалануға кеңес береді.