Жетісайдағы тойда атышулы тілек айтқан адам ұсталды

Түркістан облысының тұрғыны тойдағы даулы тілегінен кейін ұсталды, - деп хабарлайды Tengrinews.kz тілшісі.

Бұған дейін әлеуметтік желілерде Жетісайдағы салтанатты жиынның видеосы тараған болатын. Видеода ер адам мерекелік іс-шараларды өткізу ережелері туралы айтып, ішімдік пен музыкадан бас тартуға шақырған, сондай-ақ ерлер мен әйелдерді бөлек отырғызуды ұсынған. Бұл видео қоғамда қызу талқыға түсті.

Ішкі істер министрлігі әлеуметтік желілерде Түркістан облысының 66 жастағы тұрғынының жария айтқан сөздері түсірілген бейнежазбаның таралуына байланысты діни және әлеуметтік араздықты қоздыру белгілері бойынша қылмыстық іс қозғалғанын хабарлады.

"Күдікті ұсталып, уақытша ұстау изоляторына қамалды", - делінген хабарламада.

ІІМ Қазақстан Республикасының Конституциясында еліміздің зайырлы, құқықтық әрі әлеуметтік мемлекет екені, ал адам, оның құқықтары мен бостандықтары ең жоғары құндылықтар екені бекітілгенін (1-бап) еске салды.

Ведомство сөз бостандығы басқа адамдардың ар-намысы мен қадір-қасиетіне қол сұқпауға тиіс, ал діни және әлеуметтік араздықты насихаттауға жол берілмейтінін (23-бап) атап өтті.

ҚАЗІР ТАЛҚЫЛАНЫП ЖАТЫР

Саакашвили грузин түрмесіндегі адам төзгісіз жағдайлар туралы айтты

Бүгін 08:31 1

ІІМ ескертеді: адамның қадір-қасиетін қорлайтын, әйелдерді кемсітетін, діни немесе әлеуметтік араздықты қоздыратын не қоғамдық келісімді бұзуға бағытталған кез келген жария мәлімдемелерге заңнамаға сәйкес құқықтық баға беріледі.

Google News арқылы жаңалықтарымызды қадағалаңыз