Жетісу облысында бақташы 46 миллион теңгенің малын ұрлады деп күдікке ілінді

Жетісу облысында полиция ірі көлемде мал ұрлығына қатысты қылмысты ашты. Қылмыстық іс бойынша жиырма жылдан астам сорл малды баққан бақташы азамат күдікке ілініп отыр, — деп хабарлайды Polisia.kz.  

13 сәуірде Ескелді ауданының тұрғыны полицияға арызбен жүгінді: жайылымнан 81 бас асыл тұқымды ірі қарасының 39-ы қайтарылмаған. Келтірілген материалдық шығын 46 миллион теңгеден асты. 

Арыз түскен бойда полиция қызметкерлері бірден жедел-іздестіру шараларына кірісті. Сотқа дейінгі тергеп-тексеру барысында болған жағдайдың мән-жайы белгілі болды. 

Малды 17 жыл бойы бағып келген 45 жастағы бақташы күдікке ілінді. Жедел-тергеу әрекеттерінің нәтижесінде аталған азаматтың қылмысқа қатысы бары анықталды. Күдікті ұсталып, қамауға алынды. Қазіргі уақытта іс бойынша тергеу амалдары жүргізілуде. Барлық мал өз иесіне қайтарылды.

Тәртіп сақшылары азаматтарды қырағы болуға, мүлкін мұқият бақылауға және кез келген күмәнді жағдайлар туралы уақытылы хабарлауға шақырады. Қоғамдағы тәртіп пен қауіпсіздікті тек бірлескен күш-жігер арқылы қамтамасыз етуге болады.

Бүгін, 10:13