Жетісуда аАнасы баласын жылыту батареясына байлап ұрғаннан кейін іс көтерілді

Жаркент қаласында полиция әлеуметтік желіде жылыту батареясына байланған кәмелетке толмаған ұлын ұрып жатқаны түсірілген видео пайда болғаннан кейін 28 жастағы әйелді ұстады. Оқиға кезінде бөлмеде басқа да балалар болған.

Жетісу облысы Полиция департаменті хабарлағандай, әйелдің кім екені жедел түрде анықталды. Бұл дерек бойынша қылмыстық іс қозғалды.

Баланы оқиғаның мән-жайын анықтау үшін полицияға жеткізді. Күдікті уақытша тергеу изоляторына қамалды.

Жәбірленушімен бірге болған екі кәмелетке толмаған баланы уақытша отбасын қолдау орталығына орналастыру туралы шешім қабылданды. Қамқоршылық органдары тиісті өтініш дайындап жатыр — әйелді ата-ана құқығынан айыру туралы мәселе бөлек қаралады.

Тергеу жалғасып жатыр.

Бүгін, 09:43