Жылына 70 мың автокөлік: KIA зауыты өндірісті күшейтті

Кәсіпорын толыққанды өндірістік циклді қалыптастырған заманауи индустриялық алаң ретінде дамып келеді. Бүгінде зауыт жылына 70 мыңға дейін автокөлік шығаруға қауқарлы. Өндірістік процестер халықаралық стандарттарға сай ұйымдастырылып, жоғары технологиялы жабдықтар кезең-кезеңімен енгізілуде.

Зауытта 729 адам тұрақты жұмыспен қамтылған. Бұл өңірдегі еңбек нарығын қолдауға және халықты сапалы жұмыс орындарымен қамтамасыз етуге елеулі үлес қосып отыр.

Машина жасау саласында қолдау артады: Мәжіліс жаңа заң жобасын қабылдады

Соңғы жылдары кәсіпорын өндіріс көлемін айтарлықтай арттырған. Бұл көрсеткіш Қостанай облысының машина жасау саласының қарқынды дамып келе жатқанын және өңірдің индустриялық әлеуетінің күшейіп отырғанын көрсетеді.

Жалпы алғанда, «KIA Qazaqstan» зауыты өңірдің экспорттық мүмкіндігін кеңейтіп, өндірістік кооперацияны дамытуға және Қазақстанның автокөлік жасау саласын жаңа деңгейге көтеруге ықпал етуде.