Зумерлер тамаққа тапсырыс берудің және бір тиын да төлемеудің жолын тапты

Бургерге тапсырыс беру, мінсіз комбо жинау, бәрін себетке салып, сайтты жауып қою. Оңтүстік Кореяда "дофамин сайттар" деп аталатын платформалар танымалдылыққа ие болып жатыр - олар тамақ жеткізу, бірге темекі шегу және басқа да үйреншікті рәсімдердің имитациясын жасайды, бірақ ақшаны да, нақты іс-әрекетті де талап етпейді. Tengri Life зумерлер миын неге алдайтынын баяндайды.

Бургерге тапсырыс беру, мінсіз комбо жинау, бәрін себетке салып, сайтты жауып қою. Оңтүстік Кореяда "дофамин сайттар" деп аталатын платформалар танымалдылыққа ие болып жатыр - олар тамақ жеткізу, бірге темекі шегу және басқа да үйреншікті рәсімдердің имитациясын жасайды, бірақ ақшаны да, нақты іс-әрекетті де талап етпейді. Tengri Life зумерлер миын неге алдайтынын баяндайды.

Дофамин сайттар дегеніміз не?

SCMP мәліметінше, мұндай платформалар оңтүстіккореялық жастар арасында жаңа интернет-ермекке айналды. Олардың басты ерекшелігі - үйреншікті әрекеттерді шынайы өмірде жасамай-ақ, солардан жағымды эмоция алу мүмкіндігі.

Кейбір сайттар виртуалды тамақ жеткізу қызметінде тапсырыс жинақтауды ұсынса, басқалары бірге темекі шегу немесе қасыңда басқа адамдар бардай әсер сыйлайды. Пайдаланушылардың айтуынша, мұндай сервистер мазасыздықтан, стресстен және жалғыздық сезімінен арылуға көмектеседі.

@pixelsbynana link is at the end of the video! let’s replace doomscrolling with better, fun activities :) #dopaminemenu #doomscrolling #tech #code #vibecoding #mindless #wellness ♬ Library Vibes - Cozy-Cozy-Moodscape

Тамақ жеткізу

Ең танымал мысалдардың бірі - жалған тамақ жеткізу сервисі. Ол нақты қосымшаның дәл көшірмесі: сіз кіресіз, мәзірді қарап, комбо-түскі астарды таңдайсыз, бургерлерді қалауыңызша өзгертіп, бәрін себетке саласыз. Экранда тіпті жалған жеткізу уақыты саналып, пікірлер тұрады. Тек бір нәрсе - төлем жасау батырмасы жоқ.

Пайдаланушылардың сөзінше, басты мәні де осында. Адам таңдау процесінің өзінен ләззат алады, бірақ ақша жұмсамайды және тапсырыс бермейді.

Темекі шегу бөлмесі

Зумерлер арасындағы тағы бір тренд - онлайн "темекі шегу".

Сайт компаниямен бірге темекі шегу сәтін имитациялайды. Кіргеннен кейін пайдаланушы платформада өзімен бірге қанша адам отырғанын көрсететін есептегішті көреді.

Бұл - істен сәл тынығып, өзге адамдардың барын сезініп, темекісіз-ақ және денсаулыққа зиян келтірмей үзіліс жасауға болатын өзіндік виртуал кеңістік.

Зумерлер мұндай сайттарды қалай пайдаланады?

Жастар үшін бұл платформалар күтпеген жерден көмекке айналды. Мәселен, Ким есімді 25 жастағы кеңсе қызметкері мұндай сайтты жиі түнгі сағат екіде ашады. Ол шынымен тамаққа тапсырыс беруді жоспарламайды, бірақ тағамдарды қызыға таңдап, сатып алуды толық имитациялап, оларды себетке жинайды.

Оның айтуынша, тамақ жегісі келіп, бірақ ақша жұмсағысы келмеген кезде, ол ештеңе сатып алу ойында жоқ болса да, жай ғана тағамдарды таңдап, себетке жинай береді.

"Көбіне түнде тамақ жегім келіп кетеді, бірақ ақша үнемдеу үшін өзімді тежеймін. Бұл нағыз тамақ жеткізу қосымшасына ұқсайды, сондықтан неге екенін білмеймін, оған үнемі қарап отырамын. Соңында ештеңеге тапсырыс бермеймін, бірақ стрессім бірден басылады", - дейді Ким.

Ал 24 жастағы студент Ли басқа сервисті - виртуалды "курилканы" пайдаланады. Әдетте ол жаққа емтиханға дайындалу кезінде немесе оқудан шаршағанда кіреді.

"Шын мәнінде мен темекі шекпеймін, бірақ бұл сайтта өзімді көпшілікпен бірге демалуға шыққандай сезінемін және бұл мені қатты тыныштандырады", - дейді Ли.

Оның айтуынша, платформа жалғыздықпен күресуге де көмектеседі.

"Жалғыз оқумен айналысып отырып сайтқа кіргенде, басқа адамдардың да қиындықтарды бастан кешіріп жатқанын сеземін, содан барып жалғыз емес екенімді түсінемін", - деді Ли.

Ғалымдар не дейді?

Чонвон университетінің профессоры Ким Хон Сик мұндай сервистердің танымалдылығы адамдардың интернет арқылы жылдам эмоция мен лезде қанағаттану әдетімен байланысты деп есептейді.

Оның пікірінше, бұл құбылыс мукбанг феноменіне - блогерлердің камера алдында тамақты көп мөлшерде жейтін бейнероликтеріне ұқсайды.

"Соңғы кездері желіде алкоголь, темекі немесе тамақ болсын, әртүрлі тәжірибені виртуалды түрде бастан кешіруге мүмкіндік беретін контент көбейді. Бұл симуляторлар жастардың нақты өмірде бұл әрекеттерді жасамай-ақ, белгілі бір атмосфераны сезіну немесе ләззат алуға деген талпынысын көрсетеді", - деп түсіндірді Ким Хон Сик.

Сонымен қатар сарапшы мұндай платформалардың танымалдылығының астарында көптеген жастар бетпе-бет келіп отырған шаршау, мазасыздық және белгісіздік сезімі жатқанын айтады.

"Біз жаппай қажу мен белгісіздік дәуірінде өмір сүріп жатырмыз. Мұндай жағдайда зумерлер интернеттегі әлсіз болса да байланыстардан жұбаныш іздеуге тырысады. Осы секундта сайтта сенімен бірге тағы біреудің онлайн отырғанын сезінудің өзі - оның кім екені маңызды емес - жалғыздықты басуға көмектеседі", - деп түсіндірді ғалым.

Оның айтуынша, мұндай сервистер эмоционалды күш-жігерді талап етпейтіндігімен де тартымды. Мұнда басқа адамдарға икемделудің, қарым-қатынас орнатудың немесе ықтимал қақтығыстар үшін уайымдаудың қажеті жоқ.

Барлығы барынша жеңіл, болжамды әрі қауіпсіз өтеді. Қатал шындықпен осындай алшақтық зумерлерге айтарлықтай психологиялық жайлылық сыйлайды.

Google News арқылы жаңалықтарымызды қадағалаңыз

Жазылу