Ұлттық кітапхана Мұхтар Әуезовтің ғылыми кабинетін жабу туралы ақпаратқа жауап берді

Ақын, Қазақстан жазушылар одағының бірінші хатшысы Олжас Сүлейменовтің Қазақстан Республикасының Ұлттық кітапханасы жанындағы Мұхтар Әуезов ғылыми кабинетінің жабылуы туралы алаңдап жазған хатына Ұлттық кітапхана басшылығы жауап берді. 

Жауапта ғылыми орталық толыққанды жұмысын жалғастырып, оқырмандар мен зерттеушілерді штаттық режимде қабылдайтыны хабарланған. 

"Мұхтар Әуезовтің ғылыми кабинеті ҚР Ұлттық кітапханасында қалыпты түрде қызмет көрсетіп, келушілерді қабылдауды жалғастырып жатыр және кітапхананың экскурсиялық маршрутына енгізілген. Кабинеттің кітап қоры алдағы уақытта да толықтырылатын болады, сондай-ақ жазушының шығармашылығына арналған іс-шаралар тұрақты өткізіледі", – делінген Ұлттық кітапхананың жауабында. 

Биылғы қазан айында "Алматы қаласының орталықтандырылған кітапхана жүйесі" КМҚК-нің №4 кітапхана-филиалына Мұхтар Әуезовтің есімін беруге және онда жазушының мемориалдық кабинеті ашылуына байланысты, Мұрат Әуезовтің бірқатар жеке заттары мен кітаптары жазушының отбасынан осы филиалға берілген. 

"Бұл қадам отбасы бастамасымен жүзеге асырылып, алматылықтар мен қала қонақтарының жазушы мұрасына қолжетімділігін кеңейтуге бағытталған", – деп түсіндірді Ұлттық кітапхананың баспасөз қызметі. 

Еске салайық, ақын Олжас Сүлейменов 15 қазанда Алматыда Мұхтар Әуезов атындағы кітапхананың ашылуымен қатар, Ұлттық кітапханадағы Әуезов атындағы ғылыми орталықтың жабылуына алаңдаушылық білдірген болатын. 

"Кабинет ондаған жылдар бойы мемориалдық қызмет атқарып қана қойған жоқ, ол осы кітапхананың басты символдарының біріне айналды. Орталықта ұлы тек өкілдерінің мәдени мұрасы сақталып, халыққа қызмет етті", – деп жазды ақын.