15 жасар қыз 71 жастағы туысынан жүкті болып қалған балалар омбудсмені

Закиеваның айтуынша, бұл іспен Ішкі істер министрлігі мен облыстық прокуратура айналысып жатыр.

Жасөспірім қыз 2025 жылдың қаңтарында босанған. Алайда бұл жағдай бойынша анасы полицияға тек қазан айында арыз берген.

– Қыз бала Астанада босанған мезгілде ғана, аурухана қызметкерлері бұл туралы қалалық полицияға хабарлаған. Астана қаласы Полиция департаменті бұл деректі КУИ-ға (ақпараттарды есепке алу кітабы) тіркеп, жергілікті мекенжайы бойынша Түркістан облысына жолдаған. Алайда Келес ауданы полиция бөлімі бұл материалды номенклатуралық іске жіберген. Қазіргі уақытта бұл жағдай бойынша ІІМ мен облыстық прокуратура тексеріс жүргізіп жатыр, – деді балалар омбудсмені.

Еске сала кетейік, бұған дейін Ақтөбеде оқушы қыз босанғаннан кейін қылмыстық іс қозғалды.

Қазақстанда жасөспірімдер орта есеппен 15-19 жас аралығында ерте жыныстық қатынасты бастайтыны анықталды. Қатынасқа түскен жасөспірімдердің 16,7%-ы кемінде бір рет жүкті болған. Соның ішінде — 62%-ы босанған, 22%-ы — жасанды түсік жасатқан. Жасөспірімдердің 16%-ында жүктілік өздігінен түсік тастаумен аяқталған.