3 июля в Казахстане начнётся приём заявлений в докторантуру

3 шілдеде Қазақстанда докторантураға түсу үшін қабылдау емтиханына қатысуға өтініш қабылдау басталады. Бұл науқан 3 тамызға дейін жалғасады. Ал емтихандар 4–20 тамыз аралығында өтеді, деп хабарлайды Tengri Education Ғылым және жоғары білім министрлігіне сілтеме жасап.

3 шілдеде Қазақстанда докторантураға түсу үшін қабылдау емтиханына қатысуға өтініш қабылдау басталады. Бұл науқан 3 тамызға дейін жалғасады. Ал емтихандар 4–20 тамыз аралығында өтеді, деп хабарлайды Tengri Education Ғылым және жоғары білім министрлігіне сілтеме жасап.

Докторантура емтиханына өтінішті қалай тапсырады?

Емтиханға қатысу өтінішін Ұлттық тестілеу орталығының сайтында тіркеуге болады. Докторантураға түсу үшін тек бір жоғары оқу орнын және бір білім беру бағдарламалары тобын таңдауға рұқсат етіледі.

Егер талапкер берілген өтінішке өзгеріс енгізуі қажет болса (тестілеу тапсыратын қала, білім беру бағдарламалары тобы, тестілеу тілі), оған өтініш қабылдау базасы жабылатын 3 тамызға дейін түзету немесе жою мүмкіндігі беріледі. Тестілеу өтетін орын мен уақыты туралы ақпарат талапкердің жеке кабинетінде 9 тамызда қолжетімді болады.

Докторантураға түсу емтиханы неден тұрады?

Қабылдау емтиханы әңгімелесуді, эссе жазуды және білім беру бағдарламасы тобының бейіні бойынша емтихан сұрақтарын қамтиды.

"Түсу емтиханының ең жоғары көрсеткіші 100 балл, оның ішінде әңгімелесу – 30 балл, эссе – 20 балл, бейіні бойынша емтихан сұрақтары – 50 балды құрайды. Ал мемлекеттік білім беру тапсырысы бойынша конкурсқа қатысу үшін және ақылы негізде докторантураға түсу үшін шекті балл 75 балды құрайды", - деп хабарлады министрлікте.

Қандай құжаттар қажет?

Докторантураға түсу үшін "Қазтест" жүйесі бойынша мемлекеттік тілді меңгергенін растайтын сертификат, сондай-ақ шет тілін кемінде В1 деңгейінде меңгергенін растайтын сертификат қажет (ерекше жағдайлардан басқа: "Дене шынықтыру педагогтерін даярлау", "Музыка педагогтерін даярлау", "Қазақ тілі мен әдебиеті педагогтерін даярлау", "Орыс тілі мен әдебиеті педагогтерін даярлау" бағыттары).

TOEFL ITP сертификаты бар тұлғалар докторантураға түсу емтихандары басталғанға дейін ағылшын тілін білу бойынша қосымша тест тапсырады.

2026 жылдан бастап құжаттар тізіміне мыналар енгізілді:

ғылыми зерттеу жобасы (Research Proposal); кейінгі 3 жылдағы ғылыми жарияланымдар тізімі (бар болса); зерттеу жүргізу жоспары; эссе. DBA және индустриялық PhD-ге түсу ерекшеліктері

Сонымен қатар талапкерлерде бейіндік докторлар бағдарламасы бойынша, соның ішінде индустриялық PhD және DBA (Doctor of Business Administration) бағдарламаларына түсу мүмкіндігі бар. Бұл бағдарламаға шет тілін меңгергенін растайтын сертификаттың белгілі бір деңгейі талап етілмейді. Сондай-ақ бейіндік докторлар бағдарламасына түсушілер емтихан кезінде эссе жазбайды.

"Ең жоғары көрсеткіш – 80 балл, оның ішінде әңгімелесуге – 25 балл, бейіні бойынша емтихан сұрақтары – 50 балл және кәсіпорындар мен ұйымдардың ұсыныс хатына (болған жағдайда) – 5 балды құрайды. Шекті балл – кемінде 50 балл", - деп нақтылады министрлікте.

Бұған дейін Ұлттық тестілеу орталығы білім беру гранттары конкурсына құжаттарды қабылдау кестесін жариялаған болатын.

Google News арқылы жаңалықтарымызды қадағалаңыз

Жазылу