“Опасения не оправдались“. В Казахстане за пропаганду ЛГБТ никого не наказали

Қазақстанда ЛГБТ насихатына тыйым салуды көздейтін "Масс-медиа туралы" заң қабылданғаннан бері ешкім жауапқа тартылмады. Бұл туралы мәдениет және ақпарат вице-министрі Евгений Кочетов мәлімдеді, деп хабарлайды Tengrinews.kz.

Қазақстанда ЛГБТ насихатына тыйым салуды көздейтін "Масс-медиа туралы" заң қабылданғаннан бері ешкім жауапқа тартылмады. Бұл туралы мәдениет және ақпарат вице-министрі Евгений Кочетов мәлімдеді, деп хабарлайды Tengrinews.kz.

Кочетовтың айтуынша, министрлік құқықтық мониторинг жүргізіп жатыр, алайда ешқандай заңбұзушылық тіркелмеген.

"Ешкім жауапқа тартылған жоқ. Бұл жағдайда Мәдениет және ақпарат министрлігі жүзеге асыратын құқықтық мониторинг туралы айтып отырмыз. Ештеңе анықталмағандықтан, үкіметтік емес сектордың кейбір өкілдерінде болған қауіп расталған жоқ", - деді Кочетов Мәжіліс кулуарында.

Шенеунік жаңа норманың қабылдануымен ақпараттық кеңістіктегі жағдай айтарлықтай өзгере қоймағанын атап өтті.

"Ақпараттық кеңістікке зер салсақ та, негізінен ештеңе өзгерген жоқ. Бұл норма, бәлкім, алдын алу сипатында шығар - адамдар қандай да бір контентті жарияламас бұрын ойлансын деген мақсатты көздейді", - деп толықтырды вице-министр.

Сонымен қатар Кочетов желідегі материалдардың заң қабылданғанға дейін де бұғатталып келгенін нақтылады.

"Олар бұған дейін де бұғатталып келді. Осындай материалдарды жариялаған бірқатар сайттар болды. Бірақ нақ осы заң аясында айтар болсақ - жоқ, мұндай жағдайлар болған жоқ", - деп қосты ол.

Қазақстанда соңғы кездері ЛГБТ насихаты үшін заңмен жазалау қарастырылған. Құжатты әзірлеушілердің айтуынша, бұл балаларды қорғау үшін жасалған: заң БАҚ-та, әлеуметтік желілерде және басқа да онлайн платформаларда дәстүрлі емес арақатынастарды насихаттайтын жарияланымдарға тыйым салады.

2025 жылғы 30 желтоқсанда заңға Президент қол қойды.

Следите за нашими новостями в Google News