“За тебя калым отдам“ авторы ауруханаға түсті Мұрат Тхагалеговтің жағдайы туралы не белгілі

"За тебя калым отдам" хитінің авторы, танымал кавказдық әнші Мурат Тхагалегов шұғыл ауруханаға жатқызылды. Оған ота жасалмақ, - деп хабарлайды Tengri Life.

"За тебя калым отдам" хитінің авторы, танымал кавказдық әнші Мурат Тхагалегов шұғыл ауруханаға жатқызылды. Оған ота жасалмақ, - деп хабарлайды Tengri Life.

Mash Telegram-арнасы мәліметінше, әртістің өңешінен қан кеткен. Әнші Новосибирск қаласына ұшып келген бойда өзін жайсыз сезінген. Онда 13 маусымда концерті өтуі тиіс болған.

Таяу күндері музыкантқа лигирлеу жасалады - бұл қан кетуді тоқтату үшін өңеш тамырларын арнайы сақиналармен қысу операциясы. Тхагалегов тағы екі аптадай дәрігерлердің бақылауында болады. Алдын ала мәліметтер бойынша, ол сахнаға шілдеде орала алады.

Ауруханаға жатқызылуына байланысты әртіс Пермь, Озерск, Миасс, Челябинск, Екатеринбург және Ишим қалаларындағы маусымға жоспарланған концерттерін тоқтатуға мәжбүр болды. Ал Геленджик пен Владимирдегі концерттерінің тағдыры әзірге белгісіз - түпкілікті шешім кейінірек қабылданады.

Мурат Тхагалегов - Кабардин-Балқар республикасынан шыққан 41 жастағы орындаушы. Ол әндерін кабардин-черкес, адыгей және орыс тілдерінде шырқайды.

Әртіске 2013–2014 жылдары шыққан "За тебя калым отдам", "Едем, едем в соседнее село на дискотеку" және "Украдёт и позовёт" хиттері үлкен танымалдылық әкелді.

Оның әндері әлі күнге дейін сұранысқа ие. Бұған көбіне әлеуметтік желілер септігін тигізіп жатыр, онда тректер үнемі қайталап танымалдылыққа ие болып жатады.

Google News арқылы жаңалықтарымызды қадағалаңыз