31 рет әке атанды... Тіпті өз қызынан бала сүйгісі келеді : Аты шулы отбасыда болған тосын жағдай (ФОТО)

Өзін "көп әйел алған православ" деп таныстырған Иван Сухов 31-ші рет әке атанды, деп хабарлайды Arasha.kz.

Даулы мәлімдемелері арқылы көпшілікке танылған Сухов түрлі телебағдарламалар мен сұхбаттарға қатысып, өз көзқарасын қолдайтын аудитория арасында белгілі тұлғаға айналған.

Отбасында жаңа сәбидің дүниеге келгенін оның адвокаты Александр Почуев хабарлаған. Қорғаушының айтуынша, Сухов 50 балалы болу мақсатына жақындап, енді тағы 19 бала дүниеге келуі тиіс.

Алайда бұл жаңалық оның атына қатысты дау-дамайлармен қатар жарияланды. Бұған дейін оның 18 жастағы қызы Анна әкесін жыныстық сипаттағы әрекеттер жасады деп айыптаған. Қыздың айтуынша, мұндай жағдайлар бірнеше рет қайталанған.

Өз кезегінде Сухов бұл айыптауларды жоққа шығарып, қызының журналистер ықпалына түсіп, жалған мәлімет таратқанын мәлімдеген. Дегенмен оның мәлімдемесінен кейін екі ай өткен соң "азғындық әрекеттер" бабы бойынша қылмыстық іс қозғалған.

Суховтың сөзінше, іс қозғалғаннан кейін отбасы қоғам тарапынан қысым көрген. Соған қарамастан, оның жұбайы аман-есен босанып, дүниеге дені сау ұл әкелген.

Адвокаттың айтуынша, отбасы қауіпсіздік мақсатында ауылға көшу жоспарлап отыр. Сонымен қатар ол Ресей Тергеу комитетінің басшысы Александр Бастрыкинге қылмыстық істі тоқтату туралы өтініш жолдаған.

Қазіргі уақытта Иван Суховқа қатысты іс бойынша тергеу амалдары жалғасып жатыр.