5 мыңнан аса сотталушы жазаны өтеуден босатылды: Тоқаевқа рақымшылық нәтижесі баяндалды

АСТАНА, 29 қаңтар – Sputnik. Қасым-Жомарт Тоқаев Ақордада жоғарғы сот төрағасы Асламбек Мерғалиевті қабылдады, деп хабарлайды Aqorda.

© Photo : Пресс-служба президента Казахстана5 мыңнан аса сотталушы жазаны өтеуден босатылды: Тоқаевқа рақымшылық нәтижесі баяндалды

5 мыңнан аса сотталушы жазаны өтеуден босатылды: Тоқаевқа рақымшылық нәтижесі баяндалды

© Photo : Пресс-служба президента Казахстана

Сот төрағасының есебіне сәйкес, Қазақстанда мемлекеттік органдармен арадағы даулар кезінде азаматтардың пайдасына шығарылатын үкімдердің саны артты. Атап айтқанда, әкімшілік органдар мен лауазымды тұлғалардың 4,5 мың актісі заңсыз деп танылды. Сосын бұрынғыдай кінәлі адамдардың бәрін жаппай қамауға алмайды.

"Оның орнына үй қамағына алу екі есе жиі тағайындалды (2786-дан 5019-ға дейін ұлғайды). Бұған электронды браслетті кеңінен қолдану ықпал етті (954 адамнан 2283 адамға дейін). Бұл бюджет шығындарын оңтайландыруға және тергеудегі азаматтардың қоғаммен қарым-қатынасын сақтауға мүмкіндік береді", - делінген ресми хабарламада.

Сосын кассациялық сотқа жүгінетіндердің саны айтарлықтай өсті. Кассация арқылы түзетілген сот актілерінің үлесі азаматтық істерде – 3 пайыздан 18 пайызға, қылмыстық істерде 8 пайыздан 28 пайызға дейін ұлғайды.

Осы шаралардың арқасында халық арасында сот жүйесіне сенім деңгейі өскен.

Ал рақымшылық актісін жариялау арқылы 583 адам жазадан, 5 мыңнан аса сотталушы жазасын одан әрі өтеуден босатылды. Одан бөлек, 9,2 мың адамның жаза мерзімі қысқартылды.