85 спорт федерациясы ұлттық E sport жүйесіне қосылды

Фото: Depositphotos.com

Қазақстанда дене шынықтыру және спорт саласын цифрландыру белсенді түрде жалғасуда. Туризм және спорт министрі Ербол Мырзабосынов Үкімет отырысында «E-sport: дене шынықтыру және спорттың цифрлық платформасы» атты жаңа ақпараттық жүйенің енгізіліп жатқанын мәлімдеді.

Жобаның бірінші кезеңінде пилоттық режимде үш негізгі модуль іске қосылды:

Спортшылар, жаттықтырушылар және төрешілердің электронды паспорты; Спорттық-бұқаралық іс-шаралардың электронды күнтізбесі; Спорт нысандарының бірыңғай тізілімі.

Қазіргі таңда жүйе тестілеуден өтуде. Оған 85 спорт федерациясы мен 50 ұйым қосылған.

Екінші кезеңде келесі модульдер әзірленіп жатыр:

Жарыс хаттамаларын электронды форматта жүргізу; Статистикалық деректерді қалыптастыру және есепке алу; Мемлекеттік қызметтерді автоматтандыру және оларды проактивті форматқа көшіру.

Жоба спорт саласындағы деректерді бір арнаға біріктіріп, басқару сапасын арттыруға және азаматтар үшін спорт қызметтерінің қолжетімділігін қамтамасыз етуге бағытталған.

Министрлік цифрлық трансформацияны жүйелі түрде жалғастырып, саланың тиімділігін арттыру мен халықтың спортпен өзара байланысын жеңілдетуге басымдық беріп отыр.

Бүгін, 13:20