Абай облысында рұқсатсыз жабдықталған автобус анықталды

Фото: Абай облысы Полиция департаменті

Тексеру барысында мынадай өрескел заңбұзушылықтар анықталды:

– автобус белгіленген тәртіппен келісілмей, өз бетінше өзгертілген. Атап айтқанда, көліктің ортаңғы есігі зауыттық талаптарға сай емес, қолдан жасалған конструкциямен орнатылған;

– 42 жастағы жүргізушінің куәлігінің қолданылуы уақытша тоқтатылғаны анықталды. Ол көлік басқару құқығы шектелген кезеңде жолаушылар тасымалымен айналысқан.

Елордада автобус жүргізушісі едені тесік көлікпен жолаушыларды тасымалдаған

«Көліктің әрбір элементі белгілі бір қауіпсіздік талабына негізделеді. Ал рұқсатсыз енгізілген өзгерістер жолаушылардың қауіпсіздігіне тікелей әсер етіп, күтпеген жағдайларда зор қауіп тудыруы мүмкін», деді полиция өкілдері.

Тексеру нәтижесінде автобус арнайы айыппұл тұрағына орналастырылып, қолданыстағы заңнамаға сәйкес тиісті шаралар қабылданып отыр.

Қазақстанда «Астана» брендімен автобустар шығарыла бастайды

Абай облысы Полиция департаменті тасымалдаушыларға көлік құралдарының техникалық талаптарға сәйкестігін қамтамасыз етуді, көлікті заңсыз қайта жабдықтамауға және жүргізушілердің көлік басқару құқығына қатысты талаптарды қатаң сақтау керектігін ескертеді.

Бұған дейін елордада Есіл ауданы Әл-Фараби даңғылы бойында автобустың қозғалтқыш бөлігінен өрт шыққаны туралы хабарлаған едік.