Абай облысында рұқсатсыз қоқыс тасталған 191 орын жойылды

Прокуратураның қадағалау актісі негізінде барлық заңсыз қоқыс орындары жойылды.

- Жіберілген заңбұзушылықтар үшін тұрғын үй-коммуналдық шаруашылық бөлімдерінің басшылары, ауылдық округ әкімдері және облыстың табиғи ресурстар және табиғат пайдалануды реттеу басқармасының бірқатар қызметкері тәртіптік әрі әкімшілік жауаптылыққа тартылды, - делінген ақпаратта.

Мамандандырылған табиғат қорғау прокуратурасы бұл бағыттағы қадағалау іс-шараларын жалғастыратынын хабарлады.

Айта кетейік, депутаттар Астана мен Маңғыстау облысындағы қоқысты сұраптауға қатысты проблема көтерді.