Абай облысында теміржол құрылысы басталды

Абай облысында «Бақты–Аягөз» теміржолының құрылысы басталды. 300 шақырымдық жаңа желінің бойында 12 станция, 47 көпір мен ондаған өткел болады. Бұл бағыт іске қосылған кезде жүк тасымады 20 млн тоннаға артады-дейді мамандар. Әсіресе, Қазақстан мен Қытай арасындағы алыс-берісті жеңілдетеді. Теміржол үш ауданның аумағынан өтеді.

Рүстем Қайратұлы, тілші:

- Қазіргі уақытта мен Аягөз ауданынан 40 шақырым жерде тұрмын. Дәл осы жерде еліміздің көлік саласы үшін стратегиялық маңызы зор «Бақты-Аягөз» теміржолының құрылысы басталды. Қазір алғашқы дайындық жұмыстары жүргізіліп жатыр. Құрылысқа 200 ге жуық адам тартылған.

Құрылыс басындағы ауыр техникаға тыным жоқ. Қазір жолшылар темір жол төселетін таулы аймақтарда тасты жарып, тегістеп жатыр. Олар күн суығанша негізгі дайындық кезеңін аяқтауды көздеп отыр.

Серікқазы Рақжанов, техникалық қадағалау маманы:

-  Ауа райы әзірге тиімді. Бірінші аяз қарашаның аяғы, желтоқсанда басталады. Оған дейін барлық жұмыстар істеліп жатыр. Біз қадағалап жатырмыз. 10 есем техника кіреді. 297 шақырым Бақтыға дейін үлкен жұмыстар бар. Тауларды жару керек.

Теміржолды салмас бұрін, жан-жақты дайындық жүргізіледі. Жер береді, топырақ тығыздығы, бәрі зерттелді. Талы аймақ болғаннан кейін, қауіпсіздік басты назарда. 

Қазіргі кезде жұмыс барысы бойынша әр қабатта жердің тығыздығын тексеріп жатырмыз. Міне 143 К Ньютон 0,99-дан шығып тұр. 

Теміржолдың ұзындығы 300 шақырымға жуық. Аягөз, Мақаншы және Үржар аудандарының аумағынан өтеді. Қазірдің өзінде 200-ге жуық жергілікті тұрғын жұмысқа тартылған. Шойынжол бойында 12 станция салынады. Жаңа теміржол қолданысқа берілгенде 1200 адам тұрақты жұмыспен қамтылады.

Қайрат Ақпаров, мердігер ұйым өкілі:

- Күн суытқан кезде жұмыстарды Бақты бағытына қарай ауыстырамыз. Маканшы–Бақты учаскесі климаттық жағдайына байланысты қыс мезгілінде де жұмыс істеуге қолайлы. Сондықтан құрылыс жыл бойы тоқтатпай жүргізуге трырысамыз. Ал көктемде жер жібіп, топырақ толық дайын болған соң, теміржолдың шпалды торын төсеу жұмыстарына кірісеміз.

 «Аягөз – Бақты» теміржолы еліміздің транзиттік әлеуетін жаңа деңгейге көтереді. Бұл жоба шығыс өңірінің экономикалық дамуына серпін беретін стратегиялық бастама. Ауқымды жоба 2027 жылы толық аяқталып, пайдалануға беріледі. 

Авторлары: Рүстем Қайратұлы, Медет Өмірханов, Мәди Базарбеков