Ұлытау облысында жаңа емхананың құрылысы басталды

Салтанатты рәсімге Ұлытау облысының әкімі Дастан Рыспеков пен қор директоры Анар Жұмағұлова қатысып, жаңа нысанның өңір тұрғындары үшін маңыздылығын атап өтті.

Өз сөзінде облыс әкімі Жезқазған қаласының батыс ауданы алдағы жылдары өңірдің жаңа даму орталығына айналатынын жеткізді.

«Жезқазған қаласының батыс ауданы – болашағы зор, қарқынды дамып келе жатқан аумақ. Алдағы жылдары мұнда 18 мыңға жуық тұрғын қоныстанады деп күтіліп отыр. Жалпы шағын ауданда 80-нен астам көпқабатты тұрғын үй салу жоспарланған. Сондықтан заманауи әлеуметтік инфрақұрылымды қатар дамыту – біздің басты міндеттеріміздің бірі. Бүгін іргетасы қаланған емхана – сол жүйелі жұмыстың нақты нәтижесі», деді өңір басшысы Дастан Рыспеков.

Жаңа медициналық мекемеде консультациялық-диагностикалық кабинеттер мен 15 орындық күндізгі стационар жұмыс істейді. Сонымен қатар сәулелік диагностика бөлімшесі, клиникалық-диагностикалық зертхана, амбулаториялық хирургия орталығы және әйелдер консультациясы қарастырылған.

«Қазақмыс» Ұлытау облысындағы геологиялық барлау жұмыстарын күшейтті

Емхана аумағында жеке орналасқан ғимаратта тәулік бойы қызмет көрсететін, 9 бригадалық жедел жәрдем станциясы ашылады. Бұл тұрғындарға шұғыл медициналық көмекті жедел әрі сапалы көрсетуге мүмкіндік береді.

Алдағы уақытта жаңа медициналық орталық – құрылып жатқан ауданның негізгі әлеуметтік нысандарының біріне айналып, Жезқазғанның батыс бөлігіндегі мыңдаған тұрғынға қызмет көрсетеді. Құрылыс жұмыстары аяқталғаннан кейін нысан Жезқазған қаласының басқаруына беріледі.

Бұл жоба Beeline атқарған әлеуметтік маңызы жоғары алғашқы жоба емес. Компания 2022 жылы 8 ауылдық тірек мектебін НЗМ стандарттарына сай жаңғыртуға қаржы бөлді, ал 2024 жылы Орал қаласында көктемгі су тасқынынан зардап шеккен отбасыларға 46 пәтер сатып алды. Сонымен қатар, Шелек ауылында 900 оқушыға арналған қазақ тілінде білім беретін мектеп салып берді.

Ұлытау облысы

Ұлытау облысында 30 отбасы қоныс тойын тойлады