Абай театры Сингапурда

Абай атындағы Қазақ ұлттық опера және балет театры тұңғыш рет Сингапур еліне гастрольдік сапармен барды. Театр ұжымы Сингапур ұлттық университетінің (NUS) мәдениет орталығында өнер көрсетті.

Абай театрының Сингапур­дегі гастролі – мәдениеттер то­ғы­сындағы маңызды оқиға. Бұл шығармашылық сапар ғана емес, Қазақстан мәде­ниетінің әлемдік кеңістікке нық енуінің айқын көрінісі. Географиялық тұрғыдан да, мәдени жағынан да алыс саналатын Сингапур сахнасында өнер көрсету – Абай театры үшін жаңа көрермен, тың талғам һәм айшықты мәдени диалог деген сөз. Ал Оңтүстік-Шығыс Азиядағы ең беделді мәдени әрі білім орталықтарының бірі NUS алаңында қа­зақ балеті­нің ұсынылуы ұлттық өнер­дің халық­аралық деңгейде сұра­ныс­­қа ие екенін аңғартады.

Гастрольдік бағдарлама­ның мазмұны бай, көркемдік ше­шімі жағынан салмақты. Театр сингапурлық көрерменге екі түрлі бағыттағы қойылымды ұсы­­нып, классикалық балет пен заманауи хореографияның үз­дік үлгілерін тоғыстырды.

Атап айтсақ, алғашқы бағ­дарлама — «Классикалық балет жауһарлары» атты гала-кеш. Өнер мерекесі әлемдік балет өнерінің алтын қорына енген таңдаулы шығармалар­дан құралған. Петр Чайковский­дің «Аққу көлінен» орындал­ған ­адажио – тазалық пен махаб­баттың рәмізіне айнал­ған мәңгілік лирика болса, роман­тикалық балеттің шыңы са­­на­латын «Силь­фида» қойы­лы­­мы арқылы көрермен нәзік сезім мен қиял­ға толы поэти­калық әлемге енді. Ал «Дон Кихот» балетінен ұсы­нылған үзінділер сахнаға шаттық пен жарқын әсер сыйлап, классикалық балет­тің темпераментке толы қырын әйгіледі.

Айтулы гала-кеш – тек әсем би ғана емес, орындаушылар­дың кәсіби деңгейін, сахна­лық мәдениетін, қазақ балет мек­тебінің қалыптасқан дәстүрін айқын көрсеткен көркем қо­йылым. Әрбір қимыл мен плас­тикалық шешім арқылы ұлт­тық сахнаның жоғары талғамы сезілді.

Гастроль аясындағы екінші бағдарлама – бір актілі «Кармен-сюита» балеті. Аталған туын­ды әлемдік хореография өне­рінде ерекше орын алады. Қойы­лымды әйгілі кубалық хореограф Альберто Алонсо сахналап, музыкасын ХХ ғасырдың көрнекті композиторы Родион Щедрин жазған. «Кармен-сюита» – классикалық балет канон­да­рын бұзған, жаңашыл көр­кем тілі­­мен ерекшеленетін шығарма. Кар­мен бейнесі ар­қылы сахнада еркін­­­дік­ке ұм­тылған рух, құмарлық ­пен тағ­дыр­дың тайталасы, махаб­­бат пен құр­бандық тақырыптары терең философиялық деңгей­де ашылды. Қойылымдағы өткір драматургия, мінезді пластика, эмоциялық қарқын көрер­менді бейжай қалдырмайды. Бұл ­балет – тек көркем туынды емес, адам болмысының күрделі табиғатын сахналық тілмен бей­нелейтін ойлы шығарма.

Тарихы терең, дәстүрі берік Абай атындағы Қазақ ұлттық опера және балет театры бүгін­гі таңда ұлттық мәдениеттің бас­ты тіректерінің бірі саналады. Оның Сингапур сахнасындағы өнері – қазақ өнерінің әлемдік кеңіс­тікке батыл қадам басқаны­ның айғағы. Айтулы гастроль ұлт­тық мәдениетіміздің мәртебе­сін көтеріп қана қоймай, еліміз­ді классикалық өнер картасын­да айқын таныта түсті. 

Соңғы жаңалықтар

«Australian Open» қызған шақ

Теннис • Бүгін, 08:15

Үш емдеу мекемесі ашылды

Аймақтар • Бүгін, 08:10

Жыр алыбымен жүздескен қыз

Тарих • Бүгін, 08:05

Мергенсайдағы білім ошағы

Келешек мектептері • Бүгін, 08:00

Мектебі көбейген мегаполис

Келешек мектептері • Бүгін, 07:55

Ғимарат су жаңа кейіпке енді

Білім • Бүгін, 07:45

Ғасыр жасаған соғыс ардагерін құттықтады

Өшпес даңқ • Кеше

Марат Башимов: Жеке деректерді қорғау Конституцияда бекітілуі тиіс

Қоғам • Кеше

Конституцияға өзгерістер: Белгілі заңгер пікір білдірді

Қоғам • Кеше

Адам құқықтары жөніндегі уәкіл: Өмір сүру құқығы мен әділ сот – Конституцияның іргетасы

Қоғам • Кеше

Азат Перуашев: Бір палаталы Парламентке көшу – саяси реформаның қисынды жалғасы

Құрылтай • Кеше

Б.Алтынбеков: Конституциялық реформа – дамудың жаңа бағытын таңдау

Қоғам • Кеше

Н.Шаталов: Конституциялық реформа шеңберінде сөз бостандығы және бейбіт жиналыстар құқығы сақталады

Ата заң • Кеше

С.Пономерев: «Таза Қазақстан» – Конституциядағы жаңа жауапкершілік өлшемі

Экология • Кеше

Гүлзира Атабаева: Зайырлы білім – жас ұрпақтың еркін дамуының кепілі

Ата заң • Кеше

Барлық жаңалықтар