Адырна ұлттық порталына 15 жыл толды

Бүгін елордада бірқатар сала маманы қошеметке бөленді. Олардың қай-қайсы да өз ісінің үздігі.

Жеңімпаздар арнайы сауалнама нәтижесінде таңдалды. Марапаттау рәсімі «Адырна» ұлттық порталының 15 жылдығына орай ұйымдастырылды. Іс- шара барысында қазақтың ән- күйі, жыр, терме секілді дәстүрлі музыкалық мұралар насихатталады. Концертке ұлттық музыка өнерінің белгілі дүлдүлдері қатысып, патриоттық әндер шырқады.

Арман Әубәкір, «Адырна» порталының жетекшісі:

- Әуелде біз 9 жылдай тарихи-этнографикалық бағытта қызмет еткен едік. Соңғы 5 жыл көлемінде ақпараттық, қоғамдық-саяси тақырыпқа ойыстық. Нәтижесі жаман емес. Бүкіл республикаға танымал ақпарат құралына айналып отырмыз.