Агроөнеркәсіп өнімі 70 елге экспортталады

Экономикалық өсімге ықпал еткен саланың бірі ауыл шаруашылығы.

Бүгінде отандық агроөнеркәсіп өнімі 70 елге экспортталады. Жалпы құны 5 млрд доллардан асады. Мемлекет басшысы «Ауыл шаруашылығын дамыту мәселесіне ауыл-аймақтарды, яғни бүкіл елді дамыту деп қараған жөн» деген еді. Жыл басынан бері аграрлық салаға құйылған инвестиция 20 пайызға ұлғайып, 790 млрд теңгеге жетті. Кейінгі үш жылда еңбек өнімділігі 37,3 пайызға артты. Биыл  алғаш рет ауыл шаруашылығына жеңілдікпен берілген несие көлемі 1 трлн теңгеден асты. Бүгінде ауылшаруашылық техникаласына сұраныстың 90 пайызын отандық өндіріс қамтамасыз етеді. Елдегі 10 зауытта әлемге белгілі брендтердің 19 түрлі техникасы құрастырылады. Сондай-ақ “биыл диқандарымыз 27 миллион тонна астық жинады. Президенттің көмекшісі-баспасөз хатшысы Руслан Желдібай ел қамбасын толтыруға барлық өңір атсалысқанын атап өтті.