Алакөлде 6 шақырымдық қорғаныс бөгеті салынады

Фото: Туризм және спорт министрі

Бөлінген қаражат ұзындығы 6 шақырым болатын қорғаныс бөгетін салуға жұмсалады. Оның 2,5 шақырымы Көктұма ауылының, ал 3,5 шақырымы Ақши ауылының жағалауында орналасады.

«Жобаның жүзеге асырылуы Алакөл жағалауының одан әрі шайылуының алдын алып, көлдегі шөгінділердің табиғи тасымалдануы мен қайта бөліну жүйесін сақтауға мүмкіндік береді. Қорғаныс инфрақұрылымын қалыптастыру өңірдің туристік әлеуетін дамытуға және демалушылар мен жергілікті тұрғындар үшін жағдай жасауға ықпал етеді», делінген Үкімет хабарламасында.

Биыл Алакөлге 2 миллион турист келеді

Үкімет мәліметінше, 2025 жылы жобаның алғашқы кезеңі аясында 1,7 шақырым аумақта жағалауды нығайту, жер қазу, бетон құю және габион құрылымдарын орнату жұмыстары аяқталған. Қазіргі таңда құрылыс-монтаж жұмыстарының шамамен 25 пайызы орындалған.

Ғарыштан түсірілген: Ресейлік ғарышкер Алакөлдің таңғажайып суретін жариялады

Ал соңғы екі жылда Ақмола, Ақтөбе, Батыс Қазақстан, Қостанай, Солтүстік Қазақстан және Павлодар облыстарында жалпы ұзындығы 243 шақырым болатын қорғаныс бөгеттері мен басқа да гидротехникалық құрылыстар салынған.

Еске сала кетейік, бұған дейін биылғы жазғы демалыста Алакөлге барудың бес негізгі себебін жазған болатынбыз.