Алаш арыстарын ардақтаған жиын

Астанадағы Ұлттық музейде Алаш қайраткерлері Әлихан Бөкейханның ­­­–160, Әлімхан Ермекұлының –135, Қошке Кемеңгерұлының 130 жылдық мерейтойына орай «Алаш арыстары» атты танымдық дөңгелек үстел өтті.

Жиынды ашқан Ұлттық музейдің директоры Берік Әбдіғалиұлы аталған ұлт қайраткерлерінің мерейтойы ескерусіз қалмау керек екенін айта келіп, олардың атқарған істеріне қысқаша тоқталды. Сондай-ақ ол Ұлттық музейдің Алашқа арналған бөлімі қайта жаңғыртылып жатқанын, Алашорда үкіметі мүшелері мен Алаш жетекшісі Әлихан Бөкейханға арналған жеке стенд ашылатынын жеткізді.

Алаштанушы ғалым Тұрсын Жұртбай Алаш қайраткерлерінің ұлт болып ұйысу жолындағы еңбектеріне тереңірек тоқталды. «Біртұтас Алаш ұстанымы» тақырыбында сөйлеген ғалым: «Бір ұлт ортақ мақсатқа жұмылмай, бірлікке жетпейді. Біз атын атап отырған үш тұлға да осы ортақ мақсатқа біріге білді», дей келіп, Әлихан, Әлімхан және Қошкенің қайраткерлік қырына қатысты тың деректерді бөлісті.

«Қазақ газеттері» серіктестігінің бас директоры, алаштанушы ғалым Дихан Қамзабекұлы Алаш мұраты тақырыбында ой қозғады. Ол Алаш қайраткерлерімен шығармашылық байланыста болған неміс профессоры Макс Кучинскийдің еңбегіне тоқталып, шетелдік ғалымның Алаш көсемі Әлихан Бөкейханмен таныс болғанын, 1924 жылы Қарқаралы, Семей өңірінде экспедиция жүргізген кезінде Қошке Кемеңгерұлы, Әлімхан Ермекұлымен жүздескенін айтып, аталған тұлғалардың ортақ тұсына қатысты құнды деректер келтірді.

Дөңгелек үстелде Л.Н.Гумилев атындағы ЕҰУ-дың профессоры Шерубай Құрманбайұлы «Әлихан Бөкейхан және кітап сыны» деген тақырыпта баяндама жасады. Ғалым Алаш көшбасшысының «Күншығыс» баспасынан шыққан кітаптарына жазған рецензияларын талдады. Ол Әлиханның кітаптарға жазған 18 рецензиясын сүзіп шығып, соның ішінде Ю.Вагнердің су, әуе, жер, жануарлар туралы кітаптарының қазақ тіліндегі аудармаларын сынға алғанын, ұсыныс-пікірін білдіргенін атап өтті. Шерубай Құрманбайұлы  баяндамасын «Орыстың кітабын қазаққа деп өзгерткенде Крыловтың басына тымақ кигізген Ахметті де ұмытпау керек» деген сөзімен түйіндеді.

Сонымен қатар жиында ғалымдар Марат Әбсемет, Айгүл Ісмақова, Сұлтан Хан Аққұлы, Қайырбек Кемеңгер, сондай-ақ­ Әлімхан және Қошкенің ұрпақтары сөз алып, Алаш қайраткерлерінің қажыр-қайратқа толы тағылымды ғұмыры Һәм қазақ руханиятына қосқан үлесі туралы айтып, олардың еңбектерін жан-жақты насихаттады.

Соңғы жаңалықтар

Жанкүйерлер Ербол Хамитовты әуежайда салтанатты түрде қарсы алды

Спорт • Бүгін, 09:31

«Жасыл» энергия – жаһан үдерісі

Энергетика • Бүгін, 09:00

Баспана бәсекесі: бақ шаба ма, бап шаба ма?

Ипотека • Бүгін, 08:55

Ұлыс пен ырыстың негізі

Наурызнама • Бүгін, 08:50

ОРК: Жаңа Конституцияны қолдағандар – 87,15 пайыз

Референдум • Бүгін, 08:48

Қарлығаш – құт-береке рәмізі

Наурызнама • Бүгін, 08:45

Кемел әулетінің кемеңгері

Қоғам • Бүгін, 08:40

Тарихи кезеңмен тұспа-тұс келген Наурыз

Мереке • Бүгін, 08:38

Жарыс күнделігі

Спорт • Бүгін, 08:35

Тасқынның алдын алу шаралары күшейтілді

Аймақтар • Бүгін, 08:33

Ақтүтек боран әбігерге салды

Аймақтар • Бүгін, 08:30

Басқа басылымдардан: Парламент бір палаталы жүйеге ауысады

Басылым • Бүгін, 08:27

Заманауи медициналық нысандар

Аймақтар • Бүгін, 08:25

«Amanat» партиясының үндеуі

Партия • Бүгін, 08:22

Брайль қарпіндегі Ата заң

Ата заң • Бүгін, 08:20

Барлық жаңалықтар