Алдағы күндері елімізде +45 градусқа дейін ыстық күтіледі

«Қазгидромет» РМК-ның мәліметінше, 9-11 шілде аралығында атмосфералық фронттардың өтуіне байланысты еліміздің батысы мен солтүстік-батысында жаңбыр жауып, найзағай ойнайды. Кей жерлерде бұршақ түсіп, дауылды жел соғып, нөсер жаңбыр жаууы мүмкін.

Аптап ыстықтан Эйфель мұнарасының биіктігі өзгерді

9 шілдеде елдің шығысында да жаңбыр мен найзағай сақталады. Кей өңірлерде жауын-шашын мол болуы ықтимал. Одан кейін бұл аймақта жауын-шашын тоқтап, күн ашылады.

Оңтүстік және оңтүстік-шығыстың таулы аудандарында қысқа мерзімді жаңбыр мен найзағай күтіледі. Ал Қазақстанның қалған бөлігінде жауын-шашынсыз, құрғақ әрі ыстық ауа райы сақталады.

Аптап ыстықта көлікті қалай қорғауға болады?

Синоптиктердің болжамынша, алдағы күндері ауа температурасы мынадай деңгейге дейін көтеріледі:

Батыс пен оңтүстік-шығыста - +33...+42 градусқа дейін;

Солтүстік-батыс, солтүстік және орталық өңірлерде - +32...+40 градусқа дейін;

Оңтүстікте - +38...+45 градусқа дейін;

Шығыста - +30...+38 градусқа дейін.

Мамандар тұрғындарға аптап ыстық кезінде қауіпсіздік шараларын сақтап, күннің ең ыстық уақытында сыртта ұзақ жүрмеуге кеңес береді.