Әлем чемпионатында қазақстандық спортшыға қате гимн қойылды

Германияда өткен жасөспірімдер арасындағы әлем чемпионатында конькимен жүгіруші Кристина Шумекованың жеңісі марапаттау рәсімі кезіндегі келеңсіздікпен есте қалды, деп хабарлайды Arasha.kz.

Конькимен жүгіруден Қазақстан құрамасының өкілі Кристина Шумекова Германияның Инцелль қаласында өткен жасөспірімдер арасындағы әлем чемпионатында алтын иеленді. Ол 500 метрге жүгіруден финалдық бәсекеде 38,48 секунд нәтижесін көрсетіп, өзінің жеке рекордын жаңартты.

Алайда марапаттау рәсімі кезінде оқыс жағдай орын алды, ұйымдастырушылар Қазақстанның ескі әнұранын қойып жіберді. Бұл сәт трансляцияға түсіп қалып, желіде қызу талқыланды.

Спортшы рәсімді тоқтатқан жоқ, бірақ видеодан оның ұйымдастырушылардың қателігіне таңғалғаны байқалады.