Әлем чемпионатының 1/8 финалындағы 5 командалық жұп анықталды

Фото: Sports.kz

Алғашқы болып ширек финал жолдамасын Канада ұлттық футбол құрамасы мен Марокко ұлттық футбол құрамасы сарапқа салады. Кездесу 4 шілдеде Хьюстон қаласында өтеді және Қазақстан уақытымен 22:00-де басталады. Канадалықтар алдыңғы кезеңде Оңтүстік Африка ұлттық футбол құрамасын 1:0 есебімен жеңсе, марокколықтар пенальти сериясында Нидерланд ұлттық футбол құрамасын (негізгі уақыт – 1:1, пенальти – 3:2) жарыс жолынан шығарды.

Келесі матч 5 шілдеге қараған түні Филадельфияда өтеді. Онда Франция командасы мен Парагвай ұлттық футбол құрамасы кездеседі. Ойын Қазақстан уақытымен 02:00-де басталады. Француздар Швеция ұлттық футбол құрамасын 3:0 есебімен жеңсе, парагвайлықтар пенальти сериясында Германия командасын (1:1, пенальти – 4:3) жеңіп, плей-оффтың басты сенсацияларының біріне айналды.

6 шілдеге қараған түні, Қазақстан уақытымен 01:00-де Ист-Ратерфорд қаласында Бразилия ұлттық футбол құрамасы мен Норвегия командасы кездеседі. Бразилия Жапонияны 2:1 есебімен жеңсе, Норвегия өз тарихында алғаш рет әлем чемпионатының плей-офф кезеңіндегі матчта жеңіске жетіп, Кот-д’Ивуар ұлттық футбол құрамасын 2:1 есебімен ұтты.

Бразилия құрамасы ойынның соңғы минутында Жапониядан жеңісті жұлып әкетті

Ширек финалдың тағы бір жолдамасын Мексика мен Англия ұлттық футбол құрамалары сарапқа салады. Матч 6 шілдеге қараған түні Ацтека стадионында өтеді. Ойын Қазақстан уақытымен 05:00-де басталады. Мексика Эквадорды 2:0 есебімен жеңсе, Англия Конго Демократиялық Республикасы ұлттық футбол құрамасына қарсы ойында 2:1 есебімен жеңіске жетті.

Бесінші жұпты Бельгия ұлттық футбол құрамасы мен АҚШ-тың футболшылары құрады. Кездесу 7 шілдеге қараған түні Сиэтлде өтеді және Қазақстан уақытымен 05:00-де басталады. Бельгия алдыңғы матчта Сенегалды 3:2 есебімен жеңсе, АҚШ құрамасы Фоларин Балогун алаңнан қуылғанына қарамастан, Босния және Герцеговина ұлттық футбол құрамасын 2:0 есебімен ұтты.

Канада құрамасы ОАР қақпасына соңғы минутта гол соғып, чемпионаттың 1/8 финалына шықты