Әлеуметтанушылар қазақстандықтардың елдің даму бағыты төңірегіндегі топтасуын өлшеді

Қазақстан Республикасының Президенті жанындағы Қазақстанның стратегиялық зерттеулер институты (ҚСЗИ) мемлекеттің қазіргі даму бағытына қатысты азаматтардың пікірін зерделеуге арналған әлеуметтік сауалнама қорытындысын шығарды, деп хабарлайды Tengrinews.kz тілшісі институт баспасөз қызметіне сілтеме жасап.

Қазақстан Республикасының Президенті жанындағы Қазақстанның стратегиялық зерттеулер институты (ҚСЗИ) мемлекеттің қазіргі даму бағытына қатысты азаматтардың пікірін зерделеуге арналған әлеуметтік сауалнама қорытындысын шығарды, деп хабарлайды Tengrinews.kz тілшісі институт баспасөз қызметіне сілтеме жасап.

Талдау жұмысы барысында зерттеушілер әртүрлі әлеуметтік-демографиялық топтағы респонденттердің бағалауын зерделеп, ішкі саясатты қабылдауға аумақтық, гендерлік, жас ерекшелігі және экономикалық факторлардың әсерін саралады.

"Қазақстандықтардың басым бөлігі елдің қазіргі даму бағытын оң бағалайды. Мәселен, сауалнамаға қатысқандардың 84,4 пайызы елдің дұрыс бағытта келе жатқанына сенімді.

Аумақтық бөлініс әртүрлі елді мекен тұрғындарының бағалау деңгейі үйлесімді екенін көрсетті. Қала тұрғындары арасында елдің даму бағытын респонденттердің 84 пайызы оң бағаласа, ауыл тұрғындары арасында бұл көрсеткіш сәл жоғары болып, 85,2 пайызға жетті. Бұл тұрғылықты жеріне қарамастан, ағымдағы бағытты қабылдау деңгейі ұқсас екенін көрсетеді", - делінген хабарламада.

Авторлар гендерлік айырмашылықтарды талдау ерлердің де, әйелдердің де оң бағалау деңгейі жоғары екенін көрсетіп отырғанын атап өтті.

"Осы ретте әйелдер арасында бұл көрсеткіш сәл жоғары болып, 86,2 пайызды құрады, бұл ерлер арасындағы ұқсас көрсеткіштен 4,3 пайыздық тармаққа артық.

Жас ерекшелігі тұрғысынан алғанда, ең жоғары қолдау деңгейі жастар арасында тіркелді – 89,3 пайыз. Бұл жас азаматтар тарапынан қазіргі бағытқа деген оң бағаның анағұрлым айқын екенін білдіреді".

Институт сатып алу қабілеті артқан сайын оң бағалау деңгейінің де айтарлықтай өсетінін баса айтады. Өз экономикалық жағдайының жақсарғанын сезінетін респонденттер бұл ілгерілеуді қазіргі саяси бағытпен байланыстыруға бейім.

"Жалпы, зерттеу нәтижелері қазақстандықтардың саяси бағытқа берген бағасы негізінен оң сипатқа ие екенін және халықтың негізгі әлеуметтік-демографиялық сипаттамаларына қарамастан жоғары деңгейде сақталатынын көрсетеді", - деп түйіндеді ҚСЗИ.

Әлеуметтік сауалнама ҚСЗИ тапсырысымен 2026 жылғы 10 сәуір мен 10 мамыр аралығында жүргізілгені нақтыланады. Ііріктеу жиынтығының көлемі – 8 000 респондент. Сауалнамаға 17 облыс пен республикалық маңызы бар 3 қаладан – Астана, Алматы және Шымкенттен 18 жастан асқан респонденттер қатысты.