Алматы дүкендерінде полиция рейдтері басталды

Алматыда полиция қызметкерлері кәмелетке толмағандарға энергетикалық сусындарды сату деректерін анықтау мақсатында сауда нысандарында профилактикалық рейдтер жүргізіп жатыр, деп хабарлайды Tengrinews.kz.

Алматы Полиция департаменті ақпаратынша, тәртіп сақшылары дүкендер мен басқа да сауда нүктелерін аралап, заңнама талаптарының сақталуын тексереді және сатушыларға бекітілген ережелерді түсіндіреді.

Кәмелетке толмағандарға энергетикалық сусындарды сатуға жол бермеу мәселесіне ерекше көңіл бөлініп жатыр.

"Біздің міндетіміз – тек құқық бұзушылықтарды анықтау ғана емес, сонымен қатар олардың алдын алу. Рейдтер барысында полиция қызметкерлері сатушыларға заңнама талаптарын түсіндіріп, кәмелетке толмағандарға энергетикалық сусындарды сатуға болмайтынын ескертеді. Мұндай іс-шаралар тұрақты негізде өткізіліп тұрады", - деді Алматы полиция департаменті қоғамдық қауіпсіздік басқармасының бастығы Тимур Ноғайбаев.

Instagram-дағы бұл жарияланымды көру

Алматы қаласының ПД жарияланымы (@almaty.police)

Полиция сауда өкілдеріне заңнама талаптарын сақтау қажеттігін еске салды. Кәмелетке толмағандарға энергетикалық сусындарды сату әкімшілік жауапкершілікке әкеп соғады.

Еске салсақ, 2024 жылдың жазында Қазақстанда заң қабылданды, ол энергетикалық сусындарды сату ережелерін қатаңдатты.

Атап айтқанда, мыналарға тыйым салынды:

21 жасқа толмағандарға энергетикалық сусындарды сатуға; энергетикалық сусындарды қарапайым салқындатқыш сусындар ретінде бүркемелеуге.

Сондай-ақ әрбір дүкенге энергетикалық сусындарды сөрелерде басқа сусындардан бөлек қою міндеттелді. Ал өндірушілер өз тауарларын таңбалауы тиіс.

Тағы оқыңыз: Қазақстанда балаларға арналған фаст-фуд жарнамасы шектелмек

Google News арқылы жаңалықтарымызды қадағалаңыз

Жазылу