Қазақстанда полиция мен армияның қатысуымен ауқымды операция басталды

Қазақстанда есірткінің заңсыз айналымына қарсы күреске бағытталған "Қарасора" кең ауқымды жедел-профилактикалық іс-шарасы басталды, деп хабарлайды Tengrinews.kz тілшісі Рolisia.kz порталына сілтеме жасап.

Қазақстанда есірткінің заңсыз айналымына қарсы күреске бағытталған "Қарасора" кең ауқымды жедел-профилактикалық іс-шарасы басталды, деп хабарлайды Tengrinews.kz тілшісі Рolisia.kz порталына сілтеме жасап.

Операция аясында құқық қорғау органдарының қызметкерлері құрамында есірткі бар өсімдіктердің заңсыз егістіктерін, олардың жабайы өсетін алқаптары мен есірткі плантацияларын анықтап, жойып жатыр. Сондай-ақ есірткіні дайындаумен, тасымалдаумен және өткізумен айналысатын қылмыстық топтардың қызметін тоқтатуға және есірткі трафигі арналарын жабуға ерекше назар аударылған.

ІІМ-де "Қарасора-2026" ЖПІШ-нің ашылуында бөлініс басшылары мен мемлекеттік орган өкілдеріне есірткі өсімдіктерін заңсыз өсіру мен есірткі сақтау орындарын анықтау, сондай-ақ синтетикалық есірткі өндірісінің жолын кесу бойынша міндеттер жүктелді.

Операцияны жүргізуге полиция, Ұлттық ұлан, Қорғаныс министрлігі мен жергілікті атқарушы органдардың күштері жұмылдырылған. Шара барысында рейдтер, жедел-іздестіру іс-шаралары, әуе мониторингі жүргізіліп, ауыл шаруашылығы алқаптары тексеріледі және заманауи цифрлық технологияларды қолдану арқылы аумақтар зерттеледі.

ІІМ құрамында есірткі бар өсімдіктерді заңсыз өсіргені, сондай-ақ есірткіні дайындағаны, сақтағаны, тасымалдағаны және өткізгені үшін қылмыстық жауаптылық қарастырылғанын еске салады.