Алматыда ауқымды операция басталды: полиция басқа өңірлерден патрульдер неге келгенін түсіндірді

Алматыда "STOP бұзушылық" ауқымды операциясы басталды, оған Қазақстанның өзге өңірлерінен полиция экипаждары тартылды, деп хабарлайды Tengri Auto ІІМ баспасөз қызметіне сілтеме жасап.

Алматыда "STOP бұзушылық" ауқымды операциясы басталды, оған Қазақстанның өзге өңірлерінен полиция экипаждары тартылды, деп хабарлайды Tengri Auto ІІМ баспасөз қызметіне сілтеме жасап.

Полиция мәліметінше, жұмысты күшейту үшін қалаға Астана мен Ақмола, Қарағанды, Жамбыл облыстарынан экипаждар тартылған. Қосымша күштер жолдағы тәртіп пен қауіпсіздікті бақылау үшін жұмылдырылды.

Алматы полиция департаментінің бастығы Айдын Қабдұлдинов қызметкерлерге қаратып айтқан сөзінде ең бастысы үйлесімді іс-қимыл мен заңдылықты қатаң сақтау екенін мәлімдеді.

"Полицияның әрбір әрекеті заңды, ашық әрі кәсіби болуы тиіс. Біздің басты міндетіміз – азаматтардың қауіпсіздігін қамтамасыз ету және құқықтық тәртіпті сақтау", – деді Алматы ПД бастығы.

Айта кетейік, бұған дейін мессенджерлерде алматылық жүргізушілер арасында Алматыға ауқымды рейдтер үшін патрульдік полицияның қосымша экипаждары жіберіліп жатқаны туралы хабарлама тараған.

Кейін әлеуметтік желі қолданушылары жолдарда басқа өңірлердің нөмірімен патрульдік көліктер көбейгенін жарыса айта бастады.

Посмотреть эту публикацию в Instagram

Публикация от Tengri Almaty (@tengri.almaty)

Ішкі істер министрлігі сол кезде мұндай шаралардың негізгі мақсаты — құқық бұзушылықтарды азайту және жолдағы тәртіпті күшейту екенін түсіндірді. Барлық тексеріс қолданыстағы заңнама аясында жүргізіледі.

"Мұндай тәжірибе жүйелі сипатқа ие және оперативті жағдайды ескере отырып, бүкіл ел бойынша қолданылады. Қажет болған жағдайда өңірлерге құқықтық тәртіпті күшейту және профилактикалық жұмыс үшін қосымша бөлімшелер жіберіледі", - деп хабарлады ведомство.

Айта кетейік, 21 наурызда Алматыда резонанс тудырған жол-көлік оқиғасы болды: әл-Фараби мен Меңдікұлов көшелерінің қиылысында Mercedes пен Zeekr автокөліктері соқтығысты. Жол-көлік оқиғасы салдарынан үш адам қаза тапты. Mercedes көлігінің 29 жастағы жүргізушісі мен 20 және 22 жастағы екі жолаушы қыз оқиға орнында көз жұмды. Zeekr жүргізушісі аман қалып, әртүрлі жарақатпен ауруханаға жеткізілді. Оқиға кезінде ол мас күйде болған.

Сонымен қатар, мемлекеттік нөмір белгілері заңсыз берілуі мүмкін деген уәждер бойынша ішкі қауіпсіздік департаменті қылмыстық іс қозғап, бірқатар лауазымды тұлға қызметінен айырылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!