Сәби сату, вебкам және ҰҚТ Қазақстанда ауқымды операция жүргізілді

Қазақстан ІІМ сәуір айында өткізілген "STOP трафик" жедел-профилактикалық іс-шарасының нәтижелерін жариялады. Операция аясында ондаған қылмыс, соның ішінде адам саудасы, жастарды заңсыз әрекеттерге тарту және заңсыз контент тарату фактілері анықталды, деп хабарлайды Tengrinews.kz тілшісі Polisia.kz порталына сілтеме жасап.

Қазақстан ІІМ сәуір айында өткізілген "STOP трафик" жедел-профилактикалық іс-шарасының нәтижелерін жариялады. Операция аясында ондаған қылмыс, соның ішінде адам саудасы, жастарды заңсыз әрекеттерге тарту және заңсыз контент тарату фактілері анықталды, деп хабарлайды Tengrinews.kz тілшісі Polisia.kz порталына сілтеме жасап.

ІІМ мәліметінше, адам саудасына қатысты барлығы 41 қылмыс тіркелген, оның 9-ы кәмелетке толмағандарға қатысты жасалған.

Қызылорда облысындағы нәресте саудасы

Қызылорда облысында нәрестені сату схемасы әшкереленді. 25 жастағы әйелдің босануға дейін және босанғаннан кейін мамандандырылған қорда тұрғаны және баладан бас тартқаны анықталды.

"Оның баладан бас тартуына байланысты қор жетекшісі делдал ретінде әрекет етіп, сәбиді асырап алу мақсатында облыстың 50 жастағы тұрғынына бір миллион теңгеге сатуды ұсынған. Үшеуі де уақытша ұстау изоляторына қамалды", - деді ІІМ ұйымдасқан қылмысқа қарсы күрес департаментінің өкілі Қуандық Алпыс.

Алматыдағы ҰҚТ және баспанасыздарды қанау

Алматыда қылмыстық пайда табу мақсатында адам саудасымен айналысқан ұйымдасқан қылмыстық топқа қатысты тергеу басталды. Қылмыскерлер белгілі бір тұрғылықты жері жоқ адамдарды жинап, олардың атына несие рәсімдеген және кейіннен қайта сату үшін автокөліктер сатып алған.

ОБСУЖДАЕТСЯ СЕЙЧАС

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Негізгі ұйымдастырушылар ұсталды, тергеу амалдары жалғасуда.

Жетісу облысындағы жасөспірімдерді ұрлау

Жетісу облысында 2005 және 2007 жылы туған екі жасөспірімді еңбекке қанау фактісінің жолы кесілді. Оларды ұрлап әкетіп, еріксіз ұстап, тұрмыстық химия өндірісінде жұмыс істеуге мәжбүрлеген.

Күдіктілер ұсталды, зардап шеккендерге медициналық көмек көрсетілді.

Сондай-ақ ІІМ зиянды контент таратушы және жастарды деструктивті процестерге тартушы тұлғаларды анықтау жұмысын күшейтті. Заңсыз контент тарататын, жастарды деструктивті және адамгершілікке жат әрекеттерге итермелейтін адамдар мен топтарды анықтауға ерекше көңіл бөлінуде.

Вебкам-студиялар және өзге де қылмыстар

Абай облысында вебкам-студиялар желісін ұйымдастырған ерлі-зайыптылар ұсталды. Олар қыздарды тартып, порнографиялық сипаттағы түсірілімдерге жағдай жасаумен айналысқан.

Сонымен қатар Қазақстанның бірқатар өңірлерінде жастарды азғыруға байланысты заңсыз әрекеттер үшін 20 қылмыстық іс, сондай-ақ АИТВ жұқтырғаны үшін 15 іс және порнография таратқаны үшін 5 іс қозғалды.