Алматы тауларында 3300 метр биіктікте шұғыл құтқару операциясы жүргізілді

Өтініш берушінің айтуынша, ер адамның бұрын жүрек аурулары болған.

— Түсу барысында оның жүрек тұсында шаншу пайда болып, пульсі күрт жиілеген. Осыған байланысты оған шұғыл медициналық көмек қажет болған, — делінген хабарламада.

Шақыртуға ТЖМ құтқару қызметінің тобы жедел әрекет етті. Құтқарушылар туристі қауіпсіз түрде төменге түсіріп, кейін оны ТЖМ Апаттар медицинасы орталығының бригадасына тапсырды.

Зардап шегушіге тиісті медициналық көмек көрсетілді.

Осыдан бұрын Алматы тауларында екі жасөспірім құтқарылғанын жазғанбыз.